POP 5

Lajmet më të lexuara të 5 minutave të fundit

Sociale

Nisja e shkollës, shpenzime të larta për familjet! Prindërit në Kukës: Blejmë rroba të përdorura për fëmijët! Vëzhgimi, çmimet e papërballueshme

Nisja e vitit shkollor shoqërohet me vështirësi financiare për prindërit, sidomos në qytete ku varfëria është e lartë. Report TV kreu një vëzhgim në Kukës, ku prindërit ankohen se nuk kanë mundësi të përballojnë të gjitha shpenzimet që nga librat e fletoret deri tek veshjet, ndaj në shumë raste i drejtohen tregut me sende të përdorura

Nisja e vitit të ri shkollor shton shpenzimet për familjet shqiptare.  Prindërve u duhet të shpenzojnë 10-15 mijë lekë vetëm për librat e mjetet shkollore, ndërsa për çantën dhe veshjet, shumë prej tyre po i drejtohen tregut të sendeve të përdorura.

Report TV intervistoi disa prindër në Kukës, të cilët thanë se buxheti familjar është i pamjaftueshëm për të përballuar të gjitha shpenzimet e shkollës.

“Jetoj me ndihmë ekonomike. Çmimet janë të shtrenjta dhe s’mund ti përballoj. Deri tani kam shpenzuar 70 mijë lek (të vjetra) por nuk i kam kryer të gjitha blerjet për fëmijët”, tha një qytetar.

“Janë çmimet e larta, gjithçka është rritur. S’mund ti blejmë rrobat e reja”, u shpreh një maturant.

Rënie e fuqisë blerëse pohohet dhe nga tregtarët.

“S’ka fare kërkesë për blerje. Si në një ditë të zakonshme, nuk ndihet se po nis shkolla. Kanë ikur njerëzit në emigrim, ata që kanë mbetur s’kanë të ardhura”, tha një tregtar.

Kukësi është bashkia më e varfër në vend. Sipas të dhënave zyrtare 4 619 familje trajtohen me ndihmë ekonomike.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasjani: 05/09/2023 20:02

    Ç'fare kerkojne kuksianet? Mos po kerkojne qe edhe teshat tjua bleje Shteti!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46