X

POP 5

Lajmet më të lexuara të 5 minutave të fundit

Sociale

Nisja e Vitit të ri Akademik, studentët në rrethe nuk kanë interes për t’u vaksinuar

Kur ka mbetur një javë nga nisja e vitit të ri akademik, vihet re indiferenca e studentëve karshi vaksinimit. Report TV kreu një vëzhgim në universitetet e Korçës, Shkodrës dhe Vlorës, ku shihet një numër shumë i ulët i studentëve që paraqiten për të bërë dozën e parë të vaksinës

Nga ora 08:00 e deri në orën 14:00 pranë Universitetit të Korçës qëndruan të hapura dy qendra vaksinimi me qëllim për t'u ardhur në ndihmë studentëve, por interesi i tyre është tejet i ulët. Në ditën e parë të vaksinimit në universitetit u vaksinuan vetëm dy studentë.

"Është me detyrim ndaj erdha ta bëj vaksinën. Nëse nuk do ishte me detyrim nuk do ta bëja", tha njëri prej tyre, duke shtuar se shokët e tij nuk paraqiten se kanë frikë nga vaksina.

Rektori i Universitetit Fan Noli shprehet se mosmarrja e vaksinës do ti penalizojë studentët për tu ulur në auditore.

"Sot normalisht duhet të niste viti akademik, është shtyrë për të lejuar vaksinimin e studenteve. Ne kemi udhëzime për të filluar mësim në auditore dhe jo online. Sipas udhëzimit do pranojmë studentët e vaksinuar ose ata që paraqesin analizën PCR", tha Dhimitër Bello Rektor i Korçës.

Në Shkodër, 2 qendrat e vaksinimit, tek rektorati i universitetit dhe fakulteti i shkencave të edukimit po aplikohen vaksinat AstraZeneca dhe Sinovax.

"Fillimi është sot dhe do të jemi në universitet deri të shtunën, por  nëse do të kemi kërkesë nga studentët jemi të gatshëm të bashkëpunojmë edhe javën tjetër kur të nisë viti akademik", tha Suida KUKA - Drejtore e NJVKSH Shkodër.

Fushata e vaksinimit masiv të studentëve nuk po funksion as në Vlorë. Në universitetin " Ismail Qemali" në Vlorë shihet prezenca e paktë e studentëve.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49