Një në pesë fëmijë në
vendin tonë është obez

Në një studim të fundit të kryer nga Instituti i Shëndetit Publik, ka rezultuar se një në pesë fëmijë është obez dhe shkak për këtë është kequshqyerja. Studimi tregon se 7.7 për qind e fëmijëve nga 7 deri në 10 vjeç, në 110 shkolla të shtrira në pesë qytete të vendit janë obezë dhe 19 për qind e fëmijeve 0 deri në 5 vjeç rezultojnë të kequshqyer.

Sipas specialistëve shkak për këtë është dhe ushqimi që ofrohet në shkolla, pasi ai nuk është apak i shëndetshëm dhe nuk plotëson kushtet dhe sigurinë ushqimore. "Vetëm një shkollë ka raportuar që ka patur akses për fruta, ndërkohë që të gjitha shkollat e tjera raportojnë që fëmijët nuk kanë një akses të tillë.

Ndryshe nga ajo çka ne kërkonim dhe të matnim, vinim re që raportimi i tyre kishte të bënte më shumë me ushqime të tjera, të cilat ne nuk i kishim në listën tonë të pyetjeve, por që ata i shtonin duke thënë që aksesi më i madh është për hamburger, sanduiç, byrek, ose për pica, pra ushqime të shpejta", thotë Jolanda Hyskja, specialiste e Institutit të Shëndetit Publik.

Shkrimi u botua sot në gazetën Shqiptarja.com (print) 25.04.2013

Redaksia Online
(b.m/shqiptarja.com)