POP 5

Lajmet më të lexuara të 5 minutave të fundit

Një fermer në Gaza gërmon dyshemenë dhe gjen mozaikun bizantin! Ekspertët: Zbulimi me vlera të jashtëzakonshme

Një fermer palestinez nga Gaza, gjeti një mozaik bizantin teksa ishte duke mbjellë pemë me djalin në oborrin e shtëpisë së tij. Ekspertët e kanë quajtur atë një nga thesaret më të mëdha arkeologjike të gjetura ndonjëherë në rajonin e Rripit të Gazës.

Një fermer palestinez ka zbuluar një mozaik të zbukuruar bizantin në një pjesë dyshemeje ndërsa përpiqej të mbillte një pemë ulliri në tokën e tij në Rripin e Gazës. Salman al-Nabahin tha se po gërmonte në tokë bashkë me të birin kur zbuluan edhe disa seksione të tjera që formonin me pllaka të vogla guri shumëngjyrësh kafshë dhe zogj.

Ekspertët e kanë quajtur atë një nga thesaret më të mëdha arkeologjike të gjetura ndonjëherë në Gaza. Nabahin tha se kishte kuptuar se mozaiku i përkiste epokës bizantine pas kërkimit në internet.

"Unë e shoh atë si një thesar, më të shtrenjtë se një thesar. Është një trashëgimi palestineze," tha Nabahim.

Arkeologu René Elter, nga Shkolla Biblike dhe Arkeologjike Franceze e Jerusalemit, tha se mozaiku ishte "i jashtëzakonshëm".

“Këto janë dyshemetë më të bukura të mozaikut të zbuluara në Gaza, si për nga cilësia e paraqitjes grafike ashtu edhe për nga kompleksiteti i gjeometrisë. Kurrë nuk janë zbuluar dyshemetë me mozaik të kësaj finese, kjo saktësi në grafikë dhe pasuri e ngjyrave në Rripin e Gazës”.

Ministria Palestineze e Turizmit dhe Antikiteteve tha se ekspertë ndërkombëtarë do të dërgoheshin për të përfunduar gërmimin e vendit. Rripi i Gazës dikur ishte një rrugë tregtare për qytetërimet e vjetra.  Perandoria Bizantine ishte gjysma lindore e Perandorisë Romake, që daton në vitin 330 pas Krishtit dhe mbijetoi për më shumë se një mijë vjet.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Rikthehet panairi ditët e bujqësisë në Lushnje! Mbledh aktorët më të rëndësishëm të bujqësisë në vend dhe rajon

Rikthehet panairi ditët e bujqësisë në Lushnje! Mbledh aktorët më të rëndësishëm të bujqësisë në vend dhe rajon

19 Prill, 15:42