Një komb, një pasaportë/ Spahiu: Çdo shqiptar nga Kosova, Maqedonia, Mal i zi, duhet të marrë pasaportë shqiptare

Juristi Kreshnik Spahiu teksa komentoi situatën e Kosovës, u shpreh se tashmë nuk mund të fshihet se ka një krizë të marrëdhënieve të saj me perëndimin. Kosova nuk e ka këtë luks, sipasi Spahiut dhe thekson se ai që e bën këtë lojë ose është idiot ose i shkon për shtat Vladimir Putinit.

'Përplasja me ndërkombëtarët ka ndodhur, e ka thënë zëdhënësi i DASH, ambasadori amerikan në Prishtinë, ambasadori i SHBA në Serbi. E kanë thënë zëdhënësit e presidencës franceze, e kanë thënë zyrtarët britanikë. I gjithë perëndimi në bllok ka zyrtarizuar një krizë të marrëdhënieve me qeverinë e Kosovës. Ai i cili fut në krizë Kosovën me Perëndimin, ose është idiot ose bën lojën e Vladimir Putinit. I bie të lësh Kosovën zbuluar përballë armiqve të tjerë, si Serbia. Nuk kemi luks të prishemi me ta. Amerika ka të drejtë edhe kur e ka gabim me Kosovën. Nuk ka kapacitet njerëzor dhe ushtarak pa Amerikën të ruajë sigurinë e vet. Nuk po arrin të kuptojë që të shfrytëzoj projektet politike. Politikanë pro rus po forcohen në BE. Biden dhe demokratët mund të ikin nga pushteti.'

Juristi Kreshnik Spahiu analizoi mungesat e deputetëve në Kuvend dhe gjobat ndaj tyre. Sipas tij kjo është një tregues që nuk kemi politikanë në parlamenti por vetëm rrogëtarë dhe ushtarë të dy apo tre liderëve të partisë.

'Gjobat për mungesat në Kuvend janë tregues i disa karakteristika te reja. Kjo zbulon hapur dhe qartë që në Shqipëri nuk ka politikanë profesionist, 2, 3 persona janë në Kuvend, 130 e ca të tjerë janë rrogëtar dhe ushtarë të partisë. Në Shqipëri politika është kthyer në monopol të 2, 3 personave që kanë bllokuar oksigjenin. E mbushin parlamentin me këto produkte.

Karakteristika a vetme që si ata që mungojnë dhe ata që janë prezent janë njësoj të parëndësishëm. Nuk ka vlerë profili i tyre dhe as fjala. Dikur, fjala në parlamenti ishte një mesazh që inspironte popullin,. Njerëzit rrinin me sy nga ekrani dhe me veshë nga parlamenti dhe bënin diferencën se kush ishte me vlerë dhe kush jo. Dikur kanë qenë akademikë dhe pinjoll të familjeve elitare në çdo krahina, në opozitë ishte familja Butka nga Korça, familja Baleta nga Mati, familja Malasi, Kalakula, Shehi. Dhjetëra deputetë e një brezi të shkolluar dhe me fjalën e tyre i linin vetes hapësirë për tu rizgjedhur.'

Juristi Kreshnik Spahiu i sheh dy medaljet shqiptare në Olimpiadë si një mesazh se vendi ynë duhet të hapet ndaj talenteve që vijnë nga jashtë. Ashtu si dy çeçenët të natyralizuar si shqiptarë dhanë medalje, kështu talente të tjera në mjekësi, arte apo sport mund ta çojnë Shqipërinë përpara, shprehet Spahiu. 

'Mendoj se jetojmë në një botë të re. Shqipëria jo vetëm siç është hapur Britania ndaj emigrantëve, siç është hapur Gjermania ndaj emigrantëve edhe Shqipëria me hir dhe me pahir do të hapet ndaj të huajve. Medaljet e dy çeçeneve të natyralizuar si shqiptarë janë treguesi më i qartë se Shqipëria duhet të hapet ndaj emigrantëve të talentuar në shumë fusha. Shqipëria nuk është kombi më i  talentuar. Dy të huaj erdhën dhe pas 50 vjetësh morën medaljet e para tregon se jemi të fundit në shumë aspekte. Ne jemi shumë të mangët. Duhet të thithim trurin e emigrantëve të ardhur nga Afrika, Azia. Duhet të hapim dyert për mjekët, arkitektë, sportistë, në arte. Më mirë të hapim dyert në mënyrë të strukturuar. Ose të mbyllim dyert dhe të gënjejmë veten se jemi shqiptarë.'