POP 5

Lajmet më të lexuara të 5 minutave të fundit

Opinion

Një Konferencë shtypi që foli shumë?

Deklarohet miku më i madh i SHBA por nuk lë rast ti ikij pa dëmtuar imazhin e tyre. Përgjërohet për Kosovën por lejoi të furnizohej me karburant makina luftarake vrastare e Millosheviçit apo i kërkoi Delegacionit të Kosovës që të mos frimoste Marrveshjen e Rrambujesë. Thotë se nuk e di si u shua fati i kosovarit Rremzi Hoxha edhe pse pranon që në këtë çështje janë përfshirë institucionet e shtetit që Ai i drejtonte.

Një Konferencë shtypi që foli shumë?

Nuk prisja ndonjë reflektim prej Z.Sali në konferencën e orës 1800 të datës 20 Maj. E dëgjova me vëmëndje deklaratën e Tij sepse në ato rreshta do të kuptoja se ku, si dhe me çfarë mjetesh do të “luajë” Opozita. Por u shokova kur dëgjova të thotë: ”..po të kthehemi 40 vite pas mua do të më gjenit një kardiolog pasionant, një njeri i shëtitur që jetonte absolutisht jo keq,... por kishte një problem nuk kishte dinjitet ky njeri.”. Me këtë rrëfim ky njeri/mbreti vendosi të dalë lakuriq! Deri në moshën 46 vjeç “nuk kishte dinjitet ky njeri!”. U çfaq filmi dokumentar i jetës së kardiologut pasionant e të shetitur, për vitet kritike kur ngjizet karakteri. Sjellja prej kameleoni dhe stresi si bashkëudhëtarë kanë ndikuar në formimin e tij, kanë skalitur egoizmin.

Një egoist relativizon interesat e veta dhe për ti përmbushur ato, pashmangësisht shkel mbi çdo normë e parim jetësor. Më së pari humbet apo nuk gjen kurrë dinjitetin, ashtu siç i ka ndodhur Z.Sali (nuk kishte dinjitet ky njeri!..). Së dyti për të plotësuar me çdo kusht interesat e veta ky “kardiolog pasionant, një njeri i shëtitur” ka ndërtuar marrdhënie jo njerëzore me të tjerët, më e pakta ka humbur përmasën e humanizmit, sinqeritetit dhe etikës në sjelljen e tij. Së treti egoizmi krijon mbivlerësimin e vetvehtes, formon një kult individi; dhe në këto situata vështirë se shpëton nga procesi biopsikologjik i lindjes së ndjenjës së dyshimit deri në paranojë. Së katërti plotësimi i intersave të larmishme e në rritje, në një masë të dukshme mbi ata që e rrethojnë, kanë imponuar një jetë të dyzuar ku njeriu jep çfaqje të sforcuar për të mbuluar thelbin e brendshëm; kjo sepse vetëm kështu mund të plotësonte ambiciet e tij jo të vogla (një kardiolog pasionant, një njeri i shëtitur që jetonte absolutisht jo keq!..). Së pesti në karakterin e një njeriu, i cili jeton gjatë nën një regjim stresi përvijohet kameleonizmi, hedhin rrënjë vese çformëruese që trashëgohen për gjithë jetën. Edhe Z.Sali nuk mund ti ketë shëptuar këtij procesi çformërues, siç e pranon edhe vetë (nuk kishte dinjitet ky njeri!..). Prej një procesi të tillë, me apo kundër dëshirës së vet, e katapultuan në Lëvizjen Demokratike.

Vuri këmbën e lyer me miell të bardhë, shkeli mbi fituesin e garës për Kryetar të PD dhe i rrëmbeu postin, gjë që për formimin dhe sjelljen e tij ishte një veprim i natyrshëm, ushtruar edhe më parë. Deri në vitin 1990 mik i familjeve të udhëheqjes, falë tyre edhe shkëlqeu mbi të tjerët, por nuk u ndruajt ti anatemonte ato si komuniste e kriminele dhe mbi kurrizin e tyre të lartësohej si më antikomunisti i shekullit. I quajti shqipëtarët bashkëfajtorë dhe bashkëvuajtës por, si kirurg pasionant, nga kjo bashkësi ndau vehten dhe ata që i duheshin për të përmbushur misionin. Nuk ndieu dhimbje kur i nxiti shqipëtarët të investonin edhe qindarkat e fundit në piramida deri ditën e falimentimit të tyre.

Deklarohet miku më i madh i SHBA por nuk lë rast ti ikij pa dëmtuar imazhin e tyre. Përgjërohet për Kosovën por lejoi të furnizohej me karburant makina luftarake vrastare e Millosheviçit apo i kërkoi Delegacionit të Kosovës që të mos frimoste Marrveshjen e Rrambujesë. Thotë se nuk e di si u shua fati i kosovarit Rremzi Hoxha edhe pse pranon që në këtë çështje janë përfshirë institucionet e shtetit që Ai i drejtonte. Në 21 janar 2011, përballë zyrës së tij, Garda e Republikës vrau katër protestues dhe Ai nuk nguroi të gënjejë e me vetdije të akuzojë edhe të vrarët! Ai asnjë herë nuk sqaroi popullin mbi ngjarjet e viteve 96-97 kur Shqipëria e ndez flakë dhe rrezikoi ndarjen territoriale të sajë sipas projektit të Naçertanjes serbo-ruse. Tani kuptoj përse Saliu President dhe Kryeministër, veç së tjerash, ka bërë sa më sipër. Ka shumë gjëra që një udhëheqës i bën jo vetëm se ia kërkojnë ti bëjë por edhe sepse ia pëlqen dhe kërkon karakteri e vet!

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mali: 22/05/2021 22:57

    nje anatomi perfekte per saliun. nxjerr ne drite kush paska qene ky njeri qe na shkaterroi si njerez e si shtet. mali

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06