Shpallja e Shpallja e luginës Vjosa “Park Kombëtar” ishte ngjarje e gëzueshme për komunitetet e asaj zone, të cilët janë ndodhur për disa dekada nën sulmet e egra e të paskrupullta të bizneseve të ujit, të inerteve, të qymyrit, të guroreve e nuk di çfarë tjetër!” ishte ngjarje e gëzueshme për komunitetet e asaj zone, të cilët janë ndodhur për disa dekada nën sulmet e egra e të paskrupullta të bizneseve të ujit, të inerteve, të qymyrit, të guroreve e nuk di çfarë tjetër!
Ministrja Mirela Kumbaro, në komunikimin me gazetarët për vendimin e qeverisë, bëri të ditur se, “Bashkë me 3 degë të tjera të Lumit Vjosë, më konkretisht lumi Drino, lumi Bënç dhe Shushica, bëjnë atë që quhet sot Parku i parë në Europë i një lumi të egër. Një punë shumë e gjatë që kurorëzohet sot me këtë akt ligjor. Është faza e parë e kësaj pune…”. Edhe në ceremoninë populiste të organizuar në Tepelenë, kryeministri i Shqipërisë, Edi Rama, tha se ”...është një moment realisht historik, ...është një moment jashtëzakonisht i rëndësishëm për vendin tonë ...më vjen shumë mirë që ia dolëm kësaj ndërmarrjeje jashtëzakonisht sfiduese për të mbrojtur përgjithmonë lumin e fundit të egër të Europës”.
Ministria e Turizmit dhe Mjedisit dhe organizata amerikane “Patagonia” nënshkruan sëbashku një Memorandum, që e quajtën “Të Mirëkuptimit”, ku zotohen se do të punojnë së bashku për rritjen e shkallës së mbrojtjes së lumit Vjosa dhe degëzimeve, me statusin “Park Kombëtar”.
Mirëpo, sapo i dërguari i Leonadro Di Caprios, përfaqësuesi Organizatës Mjedisore Amerikane Patagonia CEO, Ryan Gellert, ktheu krahët dhe u largua me një kopje të memorandumit në çantë, të nesërmen në brigjet e Shushicës, në shtrirjen e fshatit Kuç, të njësisë administrative Horë-Vranisht, shkarkuan tubacionet që do shërbejnë për marrjen dhe transportin e ujit të lumit Shushicës, nga burimet deri në Himarë. Shushica do thahet, zona e mbrojtur me shkresa e llafe do shkretohet. Siç shihet dhe kuptohet, gjithçka paska qenë “llogje kavaje”!
Brenda hapësirës prej 12727 ha, përfshihet dhe pellgu i lumit Shushicë, i cili i ka burimet dhe një pjesë të shtratit brenda hapësirës ku shtrihet fshati Kuç i Labërisë. Për projektin e Bashkisë Himarë, për marrin e ujit nga lumi i Shushicë, askush nuk ka dieni nga Kryesitë e dy fshtrave, as nga komuniteti. Nuk janë organizuar dëgjesa, siç përcakton ligji; nuk është bërë shpallja publike e investimit!!! Askush nuk di në pushtetin vendor se si do merret ky ujë, që do i ndryshojë rrjedhën lumit Shushicë dhe do thajë gjithë pellgun e lumit të Vlorës, siç quhet në zhargon zona, ashtu siç për banorët është e pakuptimtë se pse merr ujin e Shushicës dhe nuk merr burimet e bollshme të Pilurit, që i ka 5 km larg?!
Sipas kryetarit të njësisë Administrative Horë-Vranisht, për marrjen e ujit e dërgimin e tij në Himarë kryetari Goro i ka thënë se ka vendim qeverie; se do marrin 100 litra në sekondë, ndërkohë që tubacionet e dërguara janë për 300 litra ujë në sekondë!? Nëse ka vendim qeverie, pas daljes së një tjetër vendimi, që e shpall zonën park Kombëtar, Bashkia Himarë duhet të ndalojë menjëherë punimet! Nëse ata kanë një leje mjedisi për marrjen e ujit, ajo, pas shpalljes së zonës park Kombëtar, automatikisht shfuqizohet!
Informojmë lexuesin se, me Ligjin Nr. 8906, datë 6.6.2002, “Për Zonat e Mbrojtura”, i azhurnuar me Ligjin nr.9868, datë 04.02.2008, neni 27 përcakton sipërfaqen “Zonë”. Me këtë nen, si Kuçi ashtu dhe lumi, është tashmë i përcaktuar gjeografikisht, shtrirja e së cilës përshkruhet me hollësi. Tani quhet “Park kombëtar” dhe është nën mbrojtje ligjore; nuk lejohet shfrytëzimi dhe okupimi njerëzor; ndalohet shfrytëzimi i burimeve natyrore (përfshirë zhvillimin e digave apo pengesa të tjera të rrjedhjes).
Nëse Bashkia Himarë ka “Leje mjedisi”, që është dokumenti zyrtar që ndoshta i ka lëshuar autoriteti mjedisor për veprimtari ekonomike e shoqërore, ajo nuk ka më fuqi veprimi, është e shfuqizuar automatikisht, sepse ndikojnë në mjedis dhe legjislacioni për Parqet Kombëtare i ndalon! I ndalon sepse i ndryshojnë gjendjes natyrore, i ndryshojnë rezervat ujore e të burimeve, çka duket qartazi dhe shpjegohen në ligj!
Me siguri, Autoriteti Shtetëror, që u ngarkua për administrimin e kësaj zone të mbrojtur, me statusin “Park Kombëtar Vjosë”, që u caktua në vendimin e Këshillit të Ministrave Nr. 155, datë 13.3.2023, Agjencia Kombëtare e Zonave të Mbrojtura (AKZM), për shpalljen e zonës së mbrojtur presim që të fillojë të veprojë! Gjithashtu, vendimi i KM ngarkon Ministrinë e Turizmit dhe Mjedisit, Agjencinë Kombëtare të Zonave të Mbrojtura, Agjencinë Shtetërore të Kadastrës dhe njësitë e vetëqeverisjes vendore, në territorin e të cilave shtrihet Parku për zbatimin e këtij vendimi.
Nëse Bashkia Himarë nuk ndërpret projektin e ndërtimit të ujësjellësit Kuç-Himarë dhe organet e mësipërme nuk ndërhyjnë, kuptohet se çka u publikua dhe u vendos ka qenë veçse një maskaradë dhe sharlatanizëm në dëm të banorëve të krahinës së Kurveleshit.
Ju kujtojmë këtyre organeve dhe Bashkisë Himarë se Neni 32 për Sanksionet përcakton shpjegon qartë se Shkeljet e dispozitave të këtij ligji përbëjnë vepër penale, përbëjnë kundërvajtje administrative, dhe si të tilla, do ndëshkohen!
Komente
Lajme të tjera
-
Shifrat Janar-Tetor/ 4,9 milionë vizitorë në zonat e mbrojtura, 1,7 mln të huaj! Kumbaro: Janë 20% më shumë se në 2023! Turizëm gjithëvjetor, fokusi tek eko-turizmi
14 Nëntor, 12:53 -
Strategjia ‘Turizmi 2030’/ Punonjësit sezonal në turizëm, pagë edhe jashtë sezonit! Qëllimi, të mbahen të kualifikuarit
27 Tetor, 17:15
-
Bajram Peçi: Si mbajti gjallë Berisha ligjin e pa shkruar se nuk ka drejtësi jashtë pushtetit politik!
22 Tetor, 20:25
-
Kumbaro takim me operatorë të turizmit natyror! 3,8 milionë vizitorë në zonat e mbrojtura, zhvillohet zinxhiri i ekonomisë që vjen nga turizmi
7 Tetor, 14:16 -
Gati aplikimi për Vjosën si pjesë e UNESCO-s, Kumbaro: Krenarë për gjithë punën e bërë, një kontribut i gjithë shoqërisë shqiptare
30 Shtator, 13:31 -
Ndryshime në qeveri, shkarkohen nga detyra dy zëvendësministret e Turizmit Vilma Bello dhe Almira Xhembulla
18 Shtator, 18:42 -
Shqipëria do lejojë importin e mbetjeve, Ministria për REPORT TV: Referencë, ‘Lista e Gjelbër’ e BE
21 Gusht, 15:59
-
Report Tv e paralajmëroi tre muaj më parë, qeveria i hap rrugën importit të mbetjeve jo të rrezikshme! Lista propozohet nga Ministria e Mjedisit
20 Gusht, 22:28 -
Përmet/ Po bënte rafting në lumin Vjosë, lëndohet turisti spanjoll
28 Korrik, 16:09 -
Bajram Peçi: Na merr ujin dhe na prish të ardhmen
25 Korrik, 16:14
-
4.5 mln turistë të huaj në 6 muajt e parë të vitit, Kumbaro: Koordinim i strukturave për mbarëvajtjen e sezonit
9 Korrik, 15:26 -
Komisionet parlamentare ‘Ok’ kredisë 75.5 mln euro për pastrimin e Vjosës! Opozita kundër: Po keqpërdoren paratë, ka korrupsion
25 Qershor, 17:15
Po Piluri ku i ka burimet e ujit o Z. Ago. Himara s'ka pasur ndonjë herë ujë o zotëri, prandaj lëreni investimet të bëhen
PërgjigjuUa shoku Barom! Si e shan shokun Rama ti maskara dhe sharlatan?? Mbaje veten shoku Barom!
PërgjigjuPo nuk kishte si te ndodhte ndryshe duke ditur se kush eshte ministre e mjedisit.
PërgjigjuEshte maskarade greke "Vjosa me deget Drino dhe Shushica park kombetar"! Edhe Bechetin "shkencetaret" ambjebtsliste greke e larguan, edhe dy firmat turke per ndertimin e HEC Poçem po greket i larguan, natyrisht duke perdorur qeverine Rama!
PërgjigjuPor mire more idiot, te rrije pa uje te pijshem Himara se ashtu ju tek miliarderit te Patagonias apo Leo di Caprios? I hoqet Shqiperise shancin te kishte qindra miliona euro te ardhura ne vit nga energjia e paster dhe e rinovueshme e Hec-eve.
PërgjigjuKeto organizatat nderkombetare te gjoja shpetimit te natyres me ne krye Leon qe per vete bredh me avjon dhe jahte private duke ndotur boten, ndersa deleve(popullit) i thote te fryje syte. Pa diskutim qe duhet rregull, por qe mos te vesh ne perdorim ato qe te ka dhene Zoti, dhe vete Zoti nuk ka cfare te beje me te na beje mire, se vete si ajo thenia-'Perendia, Perendia, por edhe mendte e duart e mia'.
I nderuar gazetar, je absolutisht i sakte dhe artikulli eshte me shume vlere. Ju sygjerojme qe ju vete te vini ne dijeni ekspertet e Patagonias per kete veprim.
PërgjigjuFaleminderit z. Sokol per sygjerimin e vlefshem! E kemi menduar, por presim te na sjellin foto me te qarta nga fshati Kuc, te tubave qe kane shkarkuar e ku po fillojne punimet.