Sport

Një muaj nga Euro 2024, dëmtohet sulmuesi i Kombëtares

Sulmuesi i Goteborg në Suedi dhe Kombëtares, Arbnor Muçolli është dëmtuar në fundjavë dhe gjendja e tij shqetëson stafin e kuqezinjve një muaj para fillimit të Euro 2024.

Kombëtarja

Redaksia 15 Maj 2024, 18:07 | Përditesimi: 15 Maj 2024, 18:08

Sulmuesi i Goteborg në Suedi dhe Kombëtares, Arbnor Muçolli është dëmtuar në fundjavë dhe gjendja e tij shqetëson stafin e kuqezinjve një muaj para fillimit të Euro 2024.

Për raundin e tetë të kampionatit suedez, Muçolli pësoi një dëmtim në shpinë kundër Malmos dhe trajneri u detyrua ta zëvendësonte me vendimin e stafit mjekësor. Ende nuk dihet gjendja e tij, por fakt është se në ndeshjet e fundit miqësore Sylvinho e preferoi dhe Muçolli nuk zhgënjeu.

24-vjeçari ka kontratë deri në 2026 me Goteborg dhe pritet që në rast të kalimit të lëndimit të jetë pjesë e Kombëtares në Euro 2024. Pesë ndeshje ka luajtur ai me kuqezinjtë, teksa më herët ka qenë pjesë e Vejle në Danimarkë.

LEXO EDHE:
Suedia synon të dërgojë të dënuar në burgje me qira jashtë vendit

"Ndjej pak dhimbje në shpinë, do të shohim si do të jetë në ditët në vijim. Nuk e di saktësisht se çfarë është, nuk e kam ndjerë kurrë diçka të tillë, por mendoj se ndikon lodhja. Se si do të reagojë trupi do të shohim në ditët në vijim", tha Muçolli pas ndeshjes.

Arbnor Muçolli

S.Dh/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com