SHKUP - Shkëndija e Tetovës pësoi një humbje të ngushtë 0-1 përballë Qarabag në ndeshjen e parë të raundit të tretë kualifikues të Champions League. Në stadiumin e Shkupit, shqiptarët e Tetovës ishin vendas.

Pavarësisht një fillimi të mirë, momenti vendimtar erdhi në minutën e 18-të, kur mbrojtësi Webster bëri një ndërhyrje të gabuar në kufijtë e zonës. Arbitri akordoi penallti dhe Bayramov realizoi saktë nga pika e bardhë, duke kaluar miqtë azerbajxhanas në epërsi.

Pjesa e parë u mbyll me rezultatin 0-1, ndërsa në fillim të fraksionit të dytë trajneri Jeton Beqiri kërkoi të ndryshonte rrjedhën e lojës duke futur në fushë Arbin Zejnullain, ish-lojtar i Egnatias dhe Kamer Qakën, ish-mesfushor i kombëtares shqiptare. Megjithatë, ndryshimet nuk sollën efektin e dëshiruar. Shkëndija krijoi disa raste, por nuk arriti të gjente golin e barazimit, duke i lënë miqtë me një avantazh të vlefshëm për ndeshjen e kthimit.

Sfida e dytë do të luhet pas një jave në Azerbajxhan, ku Shkëndija do të kërkojë përmbysjen për të vazhduar ëndrrën e grupeve në Champions League. Nëse eliminohet, ekipi nga Tetova do të ketë mundësinë të vazhdojë garën në raundin play-off të Europa League. Në rast të një tjetër eliminimi, kuqezinjtë do të sigurojnë pjesëmarrjen në fazën e grupeve të Conference League.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera