POP 5

Lajmet më të lexuara të 5 minutave të fundit

Kultura

Një performancë artistike, për luftën kundër dhunës seksuale, nga Ema Andrea

Regjisorja edhe aktorja Ema Andrea përmes një thirrje të hapur fton artistët e të gjithë zhanreve, që t’i bashkohen për të realizuar një performancë artistike, që do të ketë në qendër luftën kundër dhunës seksuale përmes artit. Artistja rrëfen arsyet, se përse nuk duhet ndalur protestat kundër dhunës ndaj gruas

Debati edhe lufta kundër dhunës seksuale duhet që të mbahet gjallë përmes gjuhës së artit. Kjo është iniciativa e regjisores dhe aktores Ema Andrea përmes së cilës u bën ftesë artistëve të gjithë të të zhanreve, që t’i bashkohen në këtë performancë artistike për të mbajtur gjallë debatin dhe luftën kundër dhunës seksuale.   

“Bëra një ftesë të hapur, sepse nuk do të doja që fillimi i protestës të ndalonte, por përse jo të vazhdojë edhe nga artistët, secili në mënyrën e vet. Një performancë artistike në formë proteste për problemin social që po ngrihet aktualisht. Edhe duke njohur forcën që ka arti mendoj se ne e kemi për detyrë duke respektuar edhe rregullat e distancës”, thotë regjisorja Andrea.

Për Andrean,  është shumë e rëndësishme, që në të ardhmen të rriten qytetarë të pavarur në vendin tonë. Ndërsa, mendon se gruaja është zhvilluar më shumë sesa burrat, sa i përket mendësisë

“Për mua modeli i një gruaje është model i një qytetari, i një gruaje të pavarur që del nga steriotipet, që s’ka turp apo frikë që të jetë vetvetja. Ende ekziston streiotipi i nënës së mirë edhe të keqe, etiketimet e moralshme edhe false. Ekziston ende mendimi i gruas së mirë edhe të lehtë, por mendoj se gruaja është zhvilluar. Nuk jam e sigurtë, nëse burri është zhvilluar kaq shumë”, shpjegon Andrea.

Artistja e cila beson tek forca që ka arti për të ndryshuar, ka zgjedhur veprën  "Loja në oborrin e pasëm", të Edna Mazya.

“Unë besoj tek forca e artit, besoj se e ka treguar historia, se arti ka forcë. Nga provokimet e mëdha që janë bërë, mbahen mend veprat që kanë ndryshuar madje dhe raportin e politikës me artit... Unë do të propozoj një vepër të Edna Mazya-s, që është loja në oborrin e pasmë, dhunimi i një adoleshenteje dhe pastaj gjyqi real edhe publik. Por artistët janë të lirë që të marrin pjesë me të gjitha zhanret”.

Protestën e fundit të grave shqiptare, Ema Andrea e cilëson, si më të bukurën, që ka parë ndonjëherë.
“Më e bukura! Kam qenë në protesta, por ose dikush e ka kthyer në politike, ose kemi qenë pak veta. Ajo ishte një protestë fantastike. ‘Unë jam në shesh që të tregoj se jam këtu’”.
Ema Andrea përfundon bisedën me shpresën se të të ardhmen kushdo  do të mund që të jap kontributin e tij, teksa shesh se një sistem nuk funksionon.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

Spahiu: Meqë Berisha kërkon qeveri teknike me PS, uroj që Rama ta bëj ministër 4 vite

27 Nëntor, 22:41