POP 5

Lajmet më të lexuara të 5 minutave të fundit

Kronikë

Një person i tretë në vrasjen e efektivit Prela në Lezhë, polici ka nxjerrë nga brezi pistoletën, por s'ka mundur ta përdorë

Arma e shërbimit u gjend nga policia në anën e djathtë në pjesën e poshtme të këmbëve të pasagjerit. Prela është kthyer nga rruga dhe ka ndjekur fuoristradën që ia bëri me drita. Nikoll Sherniku u zbulua nga makina. Një person me kostum ushtarak u kap nga një kamer, dëshmitari në polici tha se është Brilant Martinaj.

Vrasja e efektivit të FNSH-së së Shkodrës, Xhulio Prela, ka 3 autorë dhe se për momentin po punohet për të bërë lokalizimin dhe arrestimin e tij.

“Shqiptarja.com”, ka mundur të zbardhë të gjithë ngjarjen dhe rolin e personit të vetëm të arrestuar Nikoll Sherniku, i cili pritet të dalë nesër para Gjykatës së Lezhës për tu njohur me masën e sigurisë “arrest në burg”.

Sipas dokumentacionit, që ka mundur të sigurojë “Shqiptarja.com”, konflikti që më pas prodhoi ngjarjen e rëndë të vrasjes së Xhulio Prelës, duket se ka marë shkëndijë për dritat e gjata të makinës, që posedohet nga Nikoll Sherniku.

Në dokumentacion thuhet se Xhulio Prela, teksa ka çuar në fshatin Kosmaç, Pjetër Gavoçin, është larguar nga banesa e tij, për tu kthyer në Tiranë. Mirëpo në zonën e Gajushit në Milot, Prela është shkëmbyer me një automjet tip Fuoristradë, me të cilën ka shkëmbyer disa herë ndezjen e dritave të gjata dhe në momentin kur kanë qënë paralel, i kanë rënë borisë së makinës.

Në këtë moment besohet se mes drejtuesit të mjetit dhe policit Xhulio Prela që udhëtonte me një “Wolsvagen Pasat”, ka pasur ofendime. Polici i FNSH-së, Prela ka ecur disa metra dhe më pas është kthyer mbrapsht, duke ju vënë nga pas fuoristradës.

Pasi e ka arritur makinën i është afruar dhe i ka bërë shenja me drita që drejtuesi i fuoristradës të ndalojë. Punonjësi i policisë ka qenë i armatosur dhe me sa duket sapo është afruar afër fuoristradës, ka hapur xhamin e djathtë të makinës, dhe ka kërkuar llogari, ndërkohë në dorë ka mbajtur dhe armën e shërbimit.

Anëtarë të grupit thonë se ka mbajtur armën në dorë, pasi sipas tyre pistoleta është gjetur në pjesën e poshtme të këmbëve të pasagjerit, që tregon se armën e ka nxjerrë nga brezi. Takimi mes policit dhe të rinjve në fuoristradë është ende i pazbardhur nga grupi i hetimit dhe nuk dihet, se në çfarë situate ka vazhduar ngjarja.

Por është fakt që polici është qëlluar nga një distancë e afërt nga ana e djathtë dhe i ka dalë plumbi në zemër. Në total është qëlluar 3 herë. Ndërsa automjeti tip fuoristradë që është në pronësi të personit të vetëm të arrestuar Nikoll Sherniku, është larguar me shpejtësi. Por ky automjet është identifikuar nga Policia e Lezhës, falë vëzhgimit të kamerave të sigurisë së bizneseve, të cilat kanë filmuar momentin kur fuoristrada kalon në rrugë, pikërisht në kohën kur ka ndodhur dhe ngjarja, rreth orës 4 të mëngjesit.

Nisur nga prania e makinës tip fuoristradë në vendgjarje, policia dhe prokuroria e Lezhës kanë arrestuar Nikoll Shernikun, si personin e dyshuar se ka dijeni për krimin, por jo që të jetë ky njeriu që ka qëlluar mbi Xhulio Prelën. Sherniku, pritet që në ditët në vijim të japë shpjegime se pse makina e tij ndodhej në atë vend dhe në atë orë. Nëse ja ka dhënë dikujt, Sherniku duhet të tregojë emrin e personit se kujt ja ka dhënë automjetin.

Ndërkohë për këtë ngjarje, janë shpallur në kërkim dhe 2 persona të tjerë Brilant Martinaj që ndodhet në Turqi dhe një miku i tij, për të cilin policia nuk jep asnjë detaj. Mësohet se Brilant Martinaj është identifikuar nga një kamera e zonës, ku shfaqet një person me kostum sportive ushtarak.

Ky person nuk dallohet mirë por në rrugë operative dhe pyetja e disa personave të tjerë të zonës, policia e Lezhës, ka dalë në përfundimin se është pikërisht Brilant Martinaj. Për këtë të fundit nuk ka asnjë provë nëse është njeriu që ka qëlluar apo jo, pasi dyshimet dhe të dhënat se personi që ka qëlluar është një njeri i tretë, që vijon të mbahet në monitorim nga policia por që nuk është bërë publik emri i tij.

Xhulio Prela dhe automjeti me të cilin udhëtonte

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Erika: 23/12/2020 20:03

    Shum te papjekur djemt qe jetojn ne Shqiperi, e kan mendjen vetem ne vrasje.Rrini larg sherreve more djem se mezi ju kane rritur prinderit e shkret,

    Përgjigju
  • Budalla brina ska: 22/12/2020 08:19

    Ky variant i 12te besohet me shume. Jane share per drita e ky si trim ka kthyer makinen me tregua burrerine e tij. A nuk e ka njigju fjalen "rri urte se sdihet ne ke hasen"?

    Përgjigju
  • Rama: 21/12/2020 20:18

    Ik o zgjebe..

    Përgjigju
  • Vicidoli: 21/12/2020 18:39

    Edvin Kristaq Mafia eshte vrasesi te cohemi te shporrim ate Birisha asht e ardhme Shqipnis

    Përgjigju
    • Markat: 21/12/2020 20:36

      Berisha eshte 100 vjec I ndryshk ku e pe te ardhmen o vicidoli -lopaufut

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51