POP 5

Lajmet më të lexuara të 5 minutave të fundit

Sociale

Një rrugë në Tiranë merr emrin e legjendës së futbollit kryeqytetas “Zyber Fagu”

Njëra nga rrugët e Tiranës do të mbajë emrin e legjendës së futbollit kryeqytetas, Zyber Fagu. Kryebashkiaku Erion Veliaj priti familjarët e ish futbollistit të famshëm shqiptar, të cilëve u dhuroi në shenjë simbolike tabelën me emërtimin e rrugës. Veliaj tha se detyra jonë është ta kthejmë vëmendjen te njerëzit që kanë lënë gjurmë të paharrueshme në jetën e qytetit

Njëra nga rrugët e Tiranës do të mbajë emrin e legjendës së futbollit kryeqytetas, Zyber Fagu. Kryebashkiaku Erion Veliaj priti familjarët e ish futbollistit të famshëm shqiptar, të cilëve u dhuroi në shenjë simbolike tabelën me emërtimin e rrugës. Veliaj tha se detyra jonë është ta kthejmë vëmendjen te njerëzit që kanë lënë gjurmë të paharrueshme në jetën e qytetit.

“Në Tiranë kemi nevojë të nderojmë ajkën e qytetit. Fëmijët kanë nevojë të dëgjojnë histori frymëzuese të atyre që luftuan, punuan apo kanë bërë sport, pavarësisht regjimit ku kanë jetuar”, u shpreh Veliaj. Kryebashkiaku shtoi se të gjithë duhet të kontribuojnë, që njerëzit e vyer si Zyber Gagu, të jenë modele të shoqërisë shqiptare.

“Sot na ofrohen si modele njerëz pa merita, që nuk përfaqësojnë vlerat e shoqërisë sonë. Ndaj, të gjithë duhet të kontribuojmë që njerëzit e vyer si Zyberi, që i kemi pasur në ato kohë jashtëzakonisht të vështira, t’i sjellim sot si modele. Është shumë e rëndësishme që këta njerëz të mirë dhe të ndershëm t’ua japim si shembuj të rinjve, për t’u treguar se mund të jetosh si njeri i drejtë, duke punuar fort”, vijoi ai. 

Djali dhe vajza e ish futbollistit Zyber Fagu falenderuan Bashkinë e Tiranës për vlerësimin që iu bë babait të tyre. “Falenderojmë kryetarin e Bashkisë për këtë nderim. Babai ynë ishte një njeri që ka kontribuar në sport, e jo vetëm, ka qenë edhe veteran i luftës, njeri me atribute të mira. Ju jemi mirënjohës”, u shprehën Mustafa dhe Ermira Fagu.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

10 Janar, 08:17