Të blesh një shtëpi në Shqipëri duhet të paguash çdo vit e më shumë para. Sipas Bankës së Shqipërisë çmimet janë rritur me 40% në gjashtëmujorin e parë të vitit krahasuar me 2013. Arsyeja kryesore është kostoja në ndërtim. Arben Dervishaj Sekretar i Shoqatës së Ndërtuesve liston për Report TV disa nga arsyet që e kanë bërë tregun e pasurive të paluajtshme kaq të kushtueshme.
“Një nga faktorët kryesor që ka ndikuar në rritjen e çmimit ka qenë niveli i lartë i taksave ose ndryshimi i shpeshtë i sistemit të taksimit në ndërtim. Ndërtuesit në zonat e mira urbane paguajnë 1% për marrjen e lejes së ndërtimit, dhe 8% për vlerën e shitjes për apartamentet jo referuar çmimit të ndërtimit por referuar çmimit të shitjes dhe kjo sjell rritje të kostos së ndërtimit dhe për pasojë rritje të çmimit të apartamenteve”, pohon sekretari i ndërtuesve Arben Dervishaj.
Dervishaj jep shembullin se si ndikon pagesa e tre tarifave në rritjen e çmimeve.
“Nëse kemi ndërtuar një objekt që kushton 100 mijë euro, 1000 euro është vetëm aplikimi për leje ndërtimi. Pastaj do të shikohet nëse ky objekti 100 mijë euro sa e ka vlerën në treg, dhe nëse në treg e ka vlerën 200 mijë euro atëherë 11% e kësaj 200 mijë euro është taksa ose 22 mijë euro. Kjo është një barrë e madhe se jo të gjithë ndërtuesit kanë cash të madh dhe ju drejtohen bankave dhe kuptohet në kosto do të futet edhe % e normës së interesit të kredisë”, thotë Dervishaj.
Rritja e kostove vjen edhe si pasojë e mungesës së punëtorëve, pasi ndërtuesit janë të detyruar të rrisin pagat për ti mbajtur ato që kanë.
“Rritet përqindja e ndikimit të punëtorisë në koston totale të ndërtimit si rezultat i mungesës së fuqisë punëtore në vend. Pjesa e ndërtimit gati i ka dyfishuar rrogat si rezultat i nevojës”, thotë ai.
Vendosjen e sigurimit të detyrueshëm deri në 10 vite për ndërtuesit pas tërmeteve, Dervishaj e konsideron pozitive por që kërkon më shumë studim.
“Përsa i përket sigurimit ne e përshëndesim se duhet futur por ajo duhet të jetë më e studiuar dhe duhet të përfshihet edhe qytetari. Një ndërtues që ka ndërtuar dhe ka një eksperiencë dhe ka ndërtuar shumë mirë duhet të ketë polic sigurimi më të ulët sesa ai që sa ka hyrë në treg apo ka ndërtuar keq”, thotë Dervishaj.
Sa i takon sigurisë dhe cilësisë Dervishaj thotë se ndërtuesit janë të ndërgjegjësuar dhe se objektet e reja kanë rezistencë ndaj tërmeteve tepër të lartë, duke iu përshtatur nivelit të bashkimit Evropian.
“Nuk projektohet mbi bazën e normave shqiptare që janë tejkaluar dhe janë mbi 30 vjeçare por mbi bazën e normave evropiane mbi eurokode që japin një siguri më të lartë. Ka një ndërgjegjësim të një pjesë ndërtuesish që kërkojnë që të rritet edhe më shumë që të jenë edhe më të sigurtë. Nga ajo që kam parë unë nga tërmeti sigurime kanë marrë vetëm objektet që ishin me kredi ose objektet shtetërore që e kanë të detyrueshëm”, deklaron Dervishaj.
Qendra e Tiranës mbetet më e kushtueshme, ndërsa zonat në periferi kanë vlera normale. Si pasojë e çmimeve të larta sipas Bankës 60% e pronave për banim janë blerë me hua bankare.
Komente
Lajme të tjera
-
Inceneratori i Fierit/ Apeli i GJKKO vendos përsëritjen e shqyrtimit gjyqësor! SPAK kërkon dënimin e Imerajt, Dervishajt, Kodrës dhe Ballkos për shpërdorim detyre! Do thirren 8 dëshmitarë
28 Tetor, 15:56
-
'Nuk mund të paguhet një natë parkimi sa gjysma e asaj që paguajmë në hotel!' Kryebashkiaku i Vlorës Dredha për Report Tv: Po abuzohet, kemi ngritur Task Force! Bizneset kanë ulur çmimet
24 Korrik, 13:38 -
Detyrimet vjetore të taksave vendore do të merren me email
4 Korrik, 20:30 -
Taksa për profesionistët e lirë, Tabaku: Antikushtetuese, qeveria socialiste ka ndryshuar 23 herë ligjin
19 Qershor, 11:21 -
Në muajin shkurt çmimet në vend u rritën me 2.8% aq sa në vendet e BE
18 Mars, 16:43 -
Taksa e infrastrukturës do shtrenjtojë banesat në vijën e parë në Vlorë! Ndërtuesi: Shtresa e mesme s’blen dot shtëpi në Lungomare
28 Janar, 11:27
-
Forumi ekonomik i Davos, kërkesa e çuditshme e milionerëve drejtuar liderëve botëror: Na taksoni për të ulur pabarazinë
17 Janar, 12:09 -
Rritet taksa e ndikimit në infrastrukturë në Vlorë nga 4 në 6-8%! Shoqata e Ndërtuesve paralajmëron shtrenjtim të çmimeve të apartamenteve
11 Janar, 07:26 -
Shtyhet afati për rritjen e taksës së karbonit për qymyrin, hyn në fuqi në 1 korrik 2026 jo në 1 janar 2024! Braçe kundër: Po u lihet shumë kohë, këto kompani ndotin dyfish mjedisin
1 Dhjetor 2023, 11:52
-
Taksimi i profesionistëve të lirë, Financat: S’mund të jenë të ‘privilegjuar’! Niko Lera: Nga të ardhurat vjetore do ju zbriten shpenzimet e nevojshme për aktivitetin
29 Nëntor 2023, 15:05
-
Afera me inceneratorin e Fierit, avokati i Arben Dervishaj: Akuzat e Prokurorisë janë të pa faktuara, s’ka dokumente të falsifikuara të lëshuara
10 Korrik 2023, 15:28 -
GJKKO e la në ‘arrest me burg’ Vangjush Dakon, avokatët apelojnë vendimin: Mbajtja në qeli e pajustifikuar
9 Qershor 2023, 15:29
Ne cdo vend te botes ka Norma. Si ne ndertim si ne shfrytezim ( ajo qe ka kushtuar me shtrenjte do shitet e tille, por 100 % e vleres) kjo eshte futja. Nje norme fitimi normal, por dhe sikur 30 % do ishte mese e mjaftueshme. Akoma nuk u ngopet?
PërgjigjuKemi 20 vjet qe presim cmimet te bien. I shesin aq se ka Rob me leke (me ngjyre)qe I blejne. Pastaj ka edhe kosto te fshehta dhe kosto lronari toke qe do 1/3. Cmimin e vendos tregu, qe te ne eshte pazar I zi., Jo treg.
Pagat ne Shqiperi jane ne monedhen (lek),pse apartamentet shiten ne monedhen (euro).?
Përgjigju