Njihuni me "Boom", avionin e
pasagjerëve më të shpejtë në botë

Një kompani amerika e financuar nga disa Fondeve të Investimeve dhe Richard Branson, pronar i Virgin, ka mbledhur disa nga mendjet e ndritura të NASA-s, Boeing, SpaceX, Lockheed Martin dhe Gulfstream per të mundesuar realizimin e një avion të ri supersonik.
 
"Boom Technology" është e bindur se krijimi i një avioni të tillë, do të ndryshojë totoalisht mënyrën e udhëtimeve ndërkontinentale.
 
Nga Milano në New York, me anë të avionave të rinj që do të prodhohen do të kryhet vetëm për 130 minuta, kohë e mjaftueshme për të parë një film.
 
Avioni i cili do të mbajë emrin "Boom" do të ketë një gjatësi trupi prej 52 metrash më një hapje krahësh prej 18 metrash. Ndërkohë që shpejtësia që pritet nga ky avion është plot 2716 km/orë, dy herë më shumë se shpejtësia e zërit.
 
“Brenda do të ketë 42-50 vende dhe bileta do të ketë të njëjtat çmime si një fluturim tradicional në Business Class, 5000 euro vajtje-ardhje në fluturimet transatlantike, edhe pse padyshim çmimi do të zgjedhet nga  kompanitë e fluturimit”, ka deklaruar Erin Fisher, kreu i kontrollit të fluturimit të projektit dhe përgjegjës për të gjitha aspektet e fluturimit.

[gallery]21449[/gallery]
 
Por "Boom" nuk është avioni i parë i cili ofron një udhëtim me një shpejtësi të madhe, pasi këtë vend e mban projekti anglo- francez i "Concord", rënia e të cilit filloi në vitin 2000, ku avioni u rrëzua menjëherë pas ngritjes së tij nga Parisi duke shkaktuar 113 viktima.
 
Ky rrëzim, por edhe rritja e çmimit të karburantit si dhe forcimi i ligjeve të zhurmës së motorëve çuan në tërheqjen e këij avioni nga aviacioni civil.
 
Ndërkohë "Boom" duket sikur i ka zgjidhur këto probleme falë avancimve teknologjike të 17 viteve të fundit.
 
Përfunimi i avionit të parë "Boom", pritet të ndodhë në vitin 2022, vit kur do të zhvillohen edhe provat e para të mjetit, por ende nuk është bërë e ditur një datë se kur ky avion do të jetë në shërbim të udhëtarëve.

 
Redaksia Onliine
D.T/Shqiptarja.com