POP 5

Lajmet më të lexuara të 5 minutave të fundit

Sociale

Një pensionist për 6000 banorë! Zonat malore në Kukës të braktisura nga bluzat e bardha...Kilometra të tëra në këmbë për të marrë mjekim (VIDEO)

Në zonat e thella malore të Kukësit mungojnë mjekët e familjes dhe infermierët. Sipas Kreut të drejtorisë Vendore të Kujdesit Shëndetësor në Kukës Fadil Morina në disa fshatra shërbimi shëndetësor mbulohet nga mjekë që kane dalë në pension.

Banorët në zonat e thella malore të qarkut të Kukësit krahas dimrit të vështirë dhe dëborës që arrin në disa centimetra u duhet të përballen edhe me mungesën e mjekëve të familjes dhe infermierëve.

Kreu i Drejtorisë së Njësisë Vendore të Kujdesit Shëndetësor në Kukës, Fadil Morina, thotë se problemi është shqetësues  pasi në shumë fshatra shërbimi shëndetësor mbulohet nga mjekë që kanë dalë në pension. Sipas tij problem janë dhe infermierët të cilët edhe pse të punësuar sipas portalit ata nuk dëshirojnë të punojnë në zonat malore.

“Ne sot përballemi me mungesën e mjekëve të familjesh, shumë fshatra mbulohen vetëm nga mjekë të dalë nga pension. Në zonën e Shishtavecit rreth 6000 banorë mbulohen nga mjek i dalë në pension sepse kanë ikur. Problematik kemi dhe infermierët që janë punësuar nga portal por në zona të thella infermierët nuk duan të shkojnë. Arsyeja është sepse duan të punojnë në qytet ose në fshatra të afërt”, tha Fadil Morina.

Nga mungesa e personelit shëndetësor në fshatra banorët duhet të përshkojnë kilometra të tëra për të marrë mjekim në spitalin e Kukësit.

Mungesa e mjekëve është një problem shqetësues për verilindjen e vendit dhe kryesisht për zonat e thella malore. Për vitin 2020 për Bashkinë Kukës janë miratuar tre projekte për rikonstruksionin e tre qendrave shëndetësore në Bushtricë, Malzi dhe Mamëz  ndërkohë që në 2019 u rikonstruktuan Qendrat Shëndetësore në Shtiqën, Tërthore dhe ambulanca në fshatin Lusën.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 13/01/2020 01:01

    Ska shtet ngrihuni ne protesta

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate

17 Nëntor, 20:04