Federata Norvegjeze e Futbollit është duke marrë një iniciativë të pazakontë në botën e futbollit. Ideja lidhet me aktivizimin e lojtarit të 12-të në fushë në rastin e humbjes së thellë.

Nëse një ekip është duke humbur me rezultatin e thellë 4-0, apo me një rezultat më të thellë, atëherë ekipi që po humbet mund të aktivizojë lojtarin e 12-të në fushë për të rritur rivalitetin në fushë.

Ish-mbrojtësi i Kombëtares norvegjeze, Henning Berg shprehet se e gjithë iniciativa bëhet me qëllim që të mos humbet interesi.
Aktualisht Federata Norvegjeze është fazën e anketimit të opinionit.

Por ndërhyrje të tilla në botën e futbollit duket se janë të pamundura për t'u realizuar, pasi kanë hasur në kundërshtimin e shumë specialistëve të futbollit.

(D.B/SHQIPTARJA.COM)