Notat e lojtarëve në ndeshjen me
Italinë, Mavraj e Kaçe 'on Top'

Ndonëse pa shumë shkëlqim Italia arriti të fitojë edhe pse është kombëtarja më e dobët e Italisë ndër vite.

Cinikë e të ftohtë arritën të marrin një fitore minimale në “Loro Boriçi” të tejmbushur nga tifozët “Kuq e ZI”.

Kombëtarja shqipëtare bëri një ndeshje të mirë duke krijuar raste për shënim por që nuk arritën ti finalizonin siç duhet.

LEXO EDHE:
Përjashtimi i 24 deputetëve demokratë nga Kuvendi, Sula: Ky vendim nuk na tremb për të vijuar betejën tonë

Në këto ndeshje trajneri Panuci ka krijuar përshtypjet për ekipin dhe ka krijuar bazat e duhura për eleminatoret e europanit të ardhshëm.

Notat dhe vlerësimet e lojtarëve për këtë ndeshje:

Berisha 6.5

 Si gjithnjë deçiziv në daljet dhe me një personalitet shumë të lartë. Shumë i saktë në dy raste të pastra. Pa përgjegjësi te goli

Hysaj 6 

Kishte një volum shumë të madh në lojën e tij. I mohoi pothuaj të gjitha mundësitë për të tentuar portën.

Mavraj 7 

Një lider në skuadër. Me qetësinë dhe kualitetin e tij reparti difensiv është më i ekuilibruar. Zgjidhi shumë situata të rrezikshme.

Veseli 6

Përqendrim i lartë, markim i rreptë dhe koordinim i saktë në situate të ndryshme. Ka nevojë për më shumë minuta me shokët e skuadrës.

Agolli 6 

Deciziv në lojën mbrojtëse, por me pak mundësi për të ndihmuar skuadrën në lojën sulmuese. Te goli, mbylli mirë kundërshtari që kishte më afër.

Kaçe 7 

Një tjetër ndeshje e mirë. Kokulur, shumë kilometra vrapime, shumë topa të rikuperuar dhe me shumë vizion në ndërtimin e aksioneve.

Basha 6.5 

Shumë i sigurt me topin, konfidencial me kundërshtarin. Ashtu si Kaçe, ka rikuperuar shumë topa dhe ka shtyrë mirë skuadrën drejt sulmit.

Memushaj 5.5 

Nuk kishte saktësinë e duhur. Vrapoi shumë, por nuk gjeti pika kontakti për të ndërtuar aksione korale drejt gjysmëfushës kundërshtare.

Grezda 6

Nëse do të ishte pak më bashkëpunues në rastin e golit, do të ishte padyshim një prej më të mirëve në këtë takim. Ka fantazi, iniciativë, duhet më shumë besim.

Roshi 6 

Punoi shumë në fazën mbrojtëse, por ishte pothuaj memec në lojën sulmuese. Munguan krosimet dhe driblimet, i dubluar mirë nga italianët

Sadiku 5.5 

Sërish i vetëm, përballë një mbrojtje pothuaj hermetike. Vrapoi, bëri presing të lartë, por nuk kishte mbështetjen e duhur.

Panucci 6.5

Ndeshje e luajtur me shumë guxim, duke e parë në sy kundërshtarin. Zgjedhjet e formacionit të sakta, ndoshta duhej të ishte pak më i vëmendshëm me zëvendësimet.

Lila 6 

Fizikisht gjithnjë në gjendje për të ndihmuar skuadrën. Ndihmoi në minutat e fundit skuadrën në komcinacone të mira sulmuese.

Redaksia Online
a.dr/shqiptarja.com

Sondazhi i ditës:

A mendoni se protestat mund ta forcojnë pozicion politik të PD-së?

• Po

  58.2%

• Jo

  39.8%

• Nuk e di

  2%

Vota total: 7274

Votat totale janë unike

• Sondazhi i ditës:

  A mendoni se protestat mund ta forcojnë pozicion politik të PD-së?

  Po Jo Nuk e di