Një incident në një fluturim në Kinë ka ngjallur reagime të shumta në rrjetet sociale pasi dy gra mbyllën një fëmijë të vogël në tualetin e avionit, sepse po qante.
Ngjarja mësohet se ka ndodhur të shtunën e 24 gushtit në një fluturim të Juneyao Airlines nga Weiyang në Shangai.
Vogëlushja, e cila po udhëtonte me gjyshen, nisi të qante gjatë fluturimit. Ndërkohë linja ajrore në një deklaratë të dhënë dy ditë pas incidentit ka deklaruar se gjyshja e vajzës kishte pranuar që dy gra ta çonin vajzën në tualet, shkruan BBC.
![](https://shqiptarja.com/template/img/NO_ALFA_Kuadrate shqiptarja.png)
Videoja u bë virale pasi një nga dy gratë, Gu Tingting, postoi një video të saj duke e mbajtur vajzën e vogël në tualet.
Reagimet ishin të menjëhershme dhe shumë prej komentuesve i dënuan gratë për mungesë ndjeshmërie ndaj fëmijës ndërsa disa të tjerë mbështetën veprimin e tyre.
"Unë thjesht doja ta qetësoja fëmijën dhe t'i lë të gjithë të pushojnë," shkroi Gu në Douyin (ekuivalenti kinez i TikTok), i cili e bëri llogarinë e saj private pas reagimit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)