POP 5

Lajmet më të lexuara të 5 minutave të fundit

Sport

Nuk i falet hapi fals, Daja: Partizani duhet të bëjë kujdes me Skënderbeun

Partizani me synime për titull të dielën do të përballet me Skënderbeun. Pas barazimit me Apoloninë të kuqve nuk iu falet një tjetër hap fals.

Java e 23 e Superligës e programuar në dy ditë do të nisë të dielën me 3 ndeshje. Partizani i vendit të katërt, me 2 pikë më pak se Vllaznia kryesuese, udhëton në Korçë për t’u përballuar me Skënderbeun. Pas barazimit me Apoloninë, të kuqve nuk u falet një tjetër hap fals në një kohë kur luajnë me vendin e fundit në renditje.

“Nuk duhet të mendojmë nesër se është Skënderbeu i vendit të fundit, sepse megjithëse kanë pozicion në disa ndeshje janë shfaqur shumë mirë në aspektin e lojës,”-u shpreh Daja.

Ndërkohë në Kamëz Tirana që është udhëtuese do të përballet me Kastriotin. Bardheblutë që vijnë pas dy fitoreve nuk duan ta ndalin ecurinë pozitive as përballë krutanëve, të cilët thuajse e kanë mbyllur kapitullin e mbijetesës. Në prag të ndeshjes, protagonist të kampit bardheblu janë shprehur:

Orges Shehi, trajner i Tiranës: “Unë mendoj se është një skuadër agresive brenda kontureve të lojës. Është një skuadër që ka shpirt luftarak dhe në këtë mënyrë duhet t’u përgjigjemi.”

Marsel Ismailgeci, futbollist i Tiranës: “Atmosfera është e mirë. Jemi grup i bashkuar pas këtyre dy ndeshjeve dhe besoj se do fitojmë edhe nesër.”

Ndeshja tjetër e ditës së dielë është mes Bylisit dhe Teutës, ndërsa të hënën Laçi pret Apoloninë, ndërsa Kukësi udhëton në Shkodër për t’u përballuar me Vllazninë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49