POP 5

Lajmet më të lexuara të 5 minutave të fundit

Bota

'Nuk ishin të sigurt për shërimin', Johnson: Mjekët ishin përgatitur për 'vdekjen' time

Stafi mjekësor në Londër kishte një strategji për njoftimin e vdekjes së kryeministrit britanik Boris Johnson nëse nuk do të kishte fituar betejën me koronavirusin. Këtë e bën të ditur vetë shefi i ekzekutivit në Mbretërinë e Bashkuar në një intervistë, duke e cilësuar një moment shumë të vështirë ditën kur iu desh të trajtohej në terapi intensive për tre ditë me radhë.

Mjekët e ngarkuar për trajtimin e kryeministrit britanik, Boris Johnson, i prekur nga koronavirusi, kishin përgatitur njoftimin e vdekjes së tij pas shtrimit në spital në shërbimin e kujdesit intensiv, theksoi ai sot në një intervistë për tabloidin “The Sun on Sunday”.

“Ai ka qenë vërtet një moment i shumë i vështirë, nuk do ta mohoj”, theksoi ai për gazetën duke shprehur për herë të parë detaje nga sëmundja e tij.

“Ata kishin një strategji për ta bërë atë sipas një skenari të tipit “vdekja e Stalinit”. Unë nuk isha në një gjendje të mirë shëndetësore dhe e dija se kishte plane emergjente. Mjekët kishin të gjitha llojet e përgatitjeve se çfarë të bënin nëse gjërat shkonin keq”, shtoi ai.

Boris Johnson, 55 vjeç, njoftoi në 27 Mars se ishte prekur nga sëmundja COVID-19 duke theksuar se kishte shfaqur simptoma të lehta. Ai u transportua në spital më 5 prill për të kryer analizat, por brenda 24 orëve ai transferohet në shërbimin e kujdesit intensiv. Drejtuesi i partisë Konservatore kaloi tri ditë nën asistencën e oksigjenit. Ai theksoi, pas daljes nga spitali më 12 prill, se lufta e tij kundër virusit mund të kishte shkuar në dy drejtime.

Johnson tha për gazetën britanike se nuk e kishte menduar për asnjë moment që do të vdiste. Dhe ai ishte bërë i vetëdijshëm për situatën kur mjekët parashikuan ta intubonin, ta vendosnin nën respirator artificial. Johnson rifilloi punën të hënën, dy ditë para se e fejuara e tij të sillte në jetë djalin e tyre.

Fëmija mori emrin Ëilfred Laërie Nicholas Johnson, në nderim të dy mjekëve që morën në kujdes kryeministrin, Nick Price dhe Nick Hart. Duke e cilësuar, me emocion, shërimin e tij si diçka të jashtëzakonshme, Johnson nënvizoi se kishte mohuar në fillim përkeqësimin e gjendjes së tij.

“Me mbikëqyrje, mjekët kishin arsye për të më detyruar të shkoja në spital”, pranoi ai duke konfirmuar se eksperienca e bëri më të fortë për të luftuar këtë sëmundje.

Autoritetet londineze njoftuan dje 621 të vdekur në 24 orë duke e çuar numrin total në 28 131 të vdekur duke e renditur Britaninë e Madhe të dytën pas Italisë për numrin e viktimave.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kuksi: 03/05/2020 16:49

    Shyqyr qe u sherua nga covid 19,por nga trute eshte njelloj.Gjithe keto vdekje ne Angli,jane dhurate nga ky,duke e nenvlersuar shume semundjen.Po te merreshin masa nuk do ishte kjo gjendje.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje

24 Nëntor, 14:28