TIRANË - Ministri i Transportit dhe Infrastrukturës Edmond Haxhinasto ka zgjedhur dje një pikë servisi në Tiranë për të prezantuar paketën e re ligjore me kriteret që duhet të plotësojnë serviset e automjeteve për licensimin e tyre. Haxhinasto tha se këto kritere përfshijnë qendrat e autoriparimit, shitblerjes së mjeteve, tregtimit të pjesëve të këmbimit dhe grumbullimin e mjeteve që dalin jashtë përdorimit.

Ministri tha se paketa ligjore vjen në kuadër të luftës kundër informalitetit dhe forcimit të sigurisë në transport. Një element i rëndësishëm i kësaj pakete është edhe mbrotja e mjedisit, pasi ka kritere të forta edhe në këtë aspekt. Duke u ndalur në pikat kryesore të paketës, Haxhinasto tha se janë vendosur kritere për cilësinë dhe kualifikimin e të punësuarve në servise. Ministri renditi gjithashtu si pjesë të paketës rregulloren e brendshme që parashikon mënyrën si bëhet servisi, si dhe garantimin e garancisë për shërbimin.

Në tabela janë përcaktuar të gjitha kërkesat e reja, pa të cilat nuk lejohet aktiviteti në këtë sektor. Kërkesat kanë të bëjnë me pajisjet, mjedisin, si dhe licencën përkatëse të atyre që merren me aktivitetin e riparimit të makinave, shitjen dhe “varrezat” e mjeteve

ÇFARË KËRKOHET PËR TË USHTRUAR AKTIVITETIN NË FUSHËN E AUTORIPARIMIT DHE SHITJES SË MJETEVE RRUGORE DHE PJESËVE TË TYRE
Mekanik/motorrist
 PAJISJE DHE INSTRUMENTe
Gropë riparimi një, ku mund të qëndrojë një autoveturë ose një kamion/autobus, ose pajisje ngritëse (hidraulike ose elektrike) një
Elektrokompresor 1
Kompjuter 1
Pajisje të mbrojtjes nga zjarri 2
Kuti të ndihmës së shpejtë 1
Llampa portative me transformator 220/24 – 36 volt 2
Diagnostikues për kontrollin e parametrave të motorit 1
Vegla matëse dhe të kontrollit nga 1, për profesionin motorist, xhenerik, etj
Kazan për mbeturinat 1
Fuçi për grumbullimin e vajrave të përdorur 1
 
AMBIENTE
Ambient të mbyllur, me ndriçimin e duhur dhe instalimet e nevojshme elektrike dhe të ajrimit, me sipërfaqe jo me pak se 30 metra katror, ku mund të qëndrojë 1 autoveturë ose 1 kamion/autobus
Vend qëndrimi për mjetet që do të riparohen, ku mund të qëndrojë 1 autoveturë ose 1 kamion/autobus
Zyrë dhe nyje hidrosanitare
-----------------
 
Elektroauto
PAJISJE DHE INSTRUMENTA
Pajisje ngritëse (mekanike, hidraulike ose elektrike) 1
Pajisje për kontrollin e parametrave elektrik, të ndezjes dhe të sistemit të ushqimit 1
Kompjuter 1
Pajisje të mbrojtjes nga zjarri 2
Kuti të ndihmës së shpejtë 1
Llampa portative me transformator 220/24 – 36 volt 2
Vegla matëse e të kontrollit 1, për profesionin elektroauto, etj.
Kazan për mbeturinat 1
 
AMBIENTE
Ambient të mbyllur, me ndriçimin e duhur dhe instalimet e nevojshme, elektrike dhe të ajrimit, me sipërfaqe jo me pak se 30 metra katror, ku mund të qëndrojë një autoveturë ose një kamion/autobus
Vend qëndrimi për mjetet që do të riparohen, ku mund të qëndrojë një autoveturë ose një kamion/autobus
Zyrë dhe nyje hidrosanitare
===========
Gomist
PAJISJE DHE INSTRUMENTA
Ngritësa (mekanik, hidraulik ose elektrik) 1
Pajisje për kontrollin e gjeometrisë dhe të konvergjencës së gomave 1
Pajisje për kontrollin e presionit të fryrjes së gomave 1
Pajisje për zmontimin dhe montimin e gomave 1
Elektrokompresor 1
Kompjuter 1
Pajisje të mbrojtjes nga zjarri 1
Kuti të ndihmës së shpejtë 1
Instrument për matjen e thellësisë së luleve të gomave 1
Vegla për heqjen dhe vendosjen e gomave 1 seri
Kazan për mbeturinat 1
 
AMBIENTE
Ambient të mbyllur, me ndriçimin e duhur dhe instalimet e nevojshme, elektrike dhe të ajrimit, me sipërfaqe jo me pak se 30 metra katror, ku mund të qëndrojë një autoveturë ose një kamion/autobus
Vend qëndrimi për mjetet që do të riparohen, ku mund të qëndrojë një autoveturë ose një kamion/autobus
Zyrë dhe nyje hidrosanitare
==============
Shitësit
PAJISJE
Kompjutera 2
Pajisje të mbrojtjes nga zjarri 2
Kuti të ndihmës së shpejtë 1
Kazan për mbeturinat 1
 
AMBIENTE
Ambient të mbyllur, me ndriçimin e duhur për ekspozimin e mjeteve motorike ose rimorkiove, me sipërfaqe jo me pak se 50 metra katror, ku mund të qëndrojnë 3 autovetura ose 2 kamion/autobus
Zyrë dhe nyje hidrosanitare
----------------
“Varrezat”
PAJISJE DHE INSTRUMENTA
Pajisje për presimin e pjesëve të mjeteve rrugore me motor dhe rimorkiove, të dala jashtë përdorimit 1
Kompjutera 2
Pajisje të mbrojtjes nga zjarri 2
Kuti të ndihmës së shpejtë 1
Vegla dhe çelsa të ndryshme, për zmontime mjetesh, 2 seri
Kazan për mbeturinat 2
Fuçi 1 copë apo bidona 10 litra 5 copë, për grumbullimin e vajrave të përdorur
 
AMBIENTE
Sipërfaqe për: depozitimin e mjeteve që do të shkatërrohen, me sipërfaqe jo me pak se 100 metra katror ku mund të qëndrojnë 4 autovetura ose 2 kamion/autobus, sipërfaqe për pjesët e ndërimit të dala jashtë përdorimit, etj
Zyrë dhe nyje hidrosanitare
---------------
Licensa
Drejtoria e Përgjithshme e Shërbimeve të Transportit Rrugor organizon kurse kualifikimi për ngritjen e nivelit tekniko-profesional të përgjegjësve teknikë dhe të punonjësve të tjerë të subjekteve, që ushtrojnë veprimtari autoriparimi. Përgjegjësi teknik pajiset me "Dëshmi aftësie profesionale" nga Drejtoria e Përgjithshme e Shërbimeve të Transportit Rrugor, pasi komisioni të ketë dhënë rezultat pozitiv për provimin, mbi nivelin e njohurive të përgjegjësve teknik, sipas nënkategorive ku kërkon aplikanti. Përpara marrjes së licencës së veprimtarisë, subjektet duhet të ngurtësojnë dhe të dorëzojnë në Qëndrën Kombëtare të Licencimit, vlerën e garancisë prej 100 mijë lekë.