Në kuadër të vijimit të zbatimit të planit të masave për evidentimin rasteve  të ushtrimit të paligjshëm të aktiviteti të lojërave të fatit policia e Elbasanit ka proceduar penalisht këtë të martë një 53-vjeçar.

Sipas policisë mësohet se gjatë një aksioni kontrolli është proceduar penalisht  pronari i një lokali L. Sh., 53 vjeç, banues në Elbasan i cili akuzohet për veprën penale të fshehjes së të ardhurave dhe  Organizim i veprimtarive të  lotarive të palejuara. Mësohet se në cilësinë e provës materiale janë sekuestruar një monitor dhe sende të tjera të ushtrimit të veprimtarisë së kundraligjshme.

Me 1 janar u ndaluan me ligj lojërat e fatit dhe bastet dhe pjesa më e madhe e sallave të basteve janë mbyllur, në dy javët e para të vitit ku janë konstatuar disa subjekte duke u proceduar penalisht (lexo këtu).

Njoftim i plotë i policisë:

Elbasan 
Policia e Elbasanit, ka ushtruar kontrolle të befasishme në kuadër të zbatimit të planit të masave për evidentimin e ushtrimit dhe zhvillimit të kundraligjshëm të lojërave të fatit. Sekuestrohet në cilësinë e provës materiale një monitor dhe një njësi.
Procedohet penalisht pronari i një subjekti shtetasi L. Sh., 53 vjeç, banues në Elbasan, për veprat penale "Fshehja e të ardhurave" dhe "Organizimi i lotarive të palejuara". Policia e Elbasanit do vijojë kontrollet e pandërprera në të gjithë territorin e Qarkut.
Policia e Shtetit fton cilindo të denoncojë falas në numrin 112 ose përmes aplikacionit 'Komisariati Digjital', çdo veprimtari të tillë të kundraligjshme, duke ju garantuar reagim të shpejtë dhe të paanshëm.