'Nuk merremi me arbitrat', Refik Halili: Dy pikë për titullin janë shumë

Refik Halili, presidenti i Tiranës foli pas ndeshjes derbi. Tirana barazoi 1-1 me Partizanin dhe mban distancën me dy pikë në krye të Superligës.

“Pikë titulli? Kishim ndeshje të vështirë dhe çdo pikë është e rëndësishme. Ne themi që në krahasim me humbjen, të marrësh barazimin dhe mbetesh në krye është shumë mirë. Kishim dëshirë të fitonim, pasi çdo skuadër e do. Kishim shumë mungesa dhe mendoj se kemi marrë diçka shumë të mirë këtë ndeshje.

Titulli kampion? Të gjitha ndeshjet janë të vështira pasi pretendojnë dhe kanë të drejtën e tyre. Shpresoj t'i marrim gjërat me radhë pasi fundi është më i vlefshëm.

LEXO EDHE:
FOTOT/ Nuk kishin firmat e nevojshme, Kryesia e Keshillit Bashkiak rrëzon kërkesën e opozitës për thirrjen urgjente të mbledhjes

Penalltia? Ne si klub kemi si vite që nuk merremi me arbitra. Kemi arbitra të mirë që dinë ta bëjnë punën. Janë diçka që nuk më takon mua. Kur mbyllet, mbyllet. Nëse jepet gjatë ndeshjes, jepet. Ne arritëm të marrim atë që merituam.

2 pikë? Janë shumë por edhe 1 pikë është shumë. E dini që jemi mundur dy herë dhe duhet kujdes. Do shumë punë dhe çelësi i suksesit është grupi i skuadrës që është grup i mirë. Gjithmonë na ka mbajtur grupi dhe shpresoj të marrim rezultate një nga një.

Kupa? Të mbarojmë njëherë këtë. Klubi ynë ka bërë diçka shumë të mirë, jemi korrektë dhe klub shumë serioz. Respektojmë kampionatin për ta çuar në nivele të larta. Falënderoj tifozët që shpenzojnë dhe na ndihmojnë për të arritur suksesin”, u shpreh Halili.

Lajmi kryesor:

GOLAT/ Spektakël në fushë dhe tribuna, Tirana - Partizani paqe për një pikë! Bardheblutë ruajnë distancën me 'Demat', s'mungojnë incidentet

S.DH/r.k./Shqiptarja.com

TAG:
• superliga
• partizani
• tirana
• Tirane
• air albania stadium
• Air Albania