POP 5

Lajmet më të lexuara të 5 minutave të fundit

Ekonomi

Nuk ndalen 'spastrimet' në Ministrinë e Financave! Shkarkohet Sekretarja e Përgjithshme! Kërkohet dorëheqja e këshilltarit

Vetëm pak ditë pas shkarkimit nga Ministria e Financave të drejtorit të Politikës Fiskale Niko Lera, ‘spastrimet’ në ministri nuk kanë të ndalur

Nuk ndalen 'spastrimet' në Ministrinë e Financave! Shkarkohet Sekretarja e Përgjithshme! Kërkohet dorëheqja e këshilltarit

Risena Xhaja

Vetëm pak ditë pas shkarkimit nga Ministria e Financave të drejtorit të Politikës Fiskale Niko Lera, ‘spastrimet’ në ministri nuk kanë të ndalur.

Burime për Report TV konfirmojnë që është shkarkuar nga detyra edhe Sekretarja e Përgjithshme e Ministrisë së Financave Risena Xhaja, që e mbante këtë detyrë prej marsit të vitit të shkuar. Xhaja erdhi në ministri duke zëvendësuar Arlind Gjokutaj që aktualisht është në në ndjekje penale.

Po ashtu burime konfirmojnë që i është kërkuar dorëheqja edhe këshilltarit Rudolf Papa për çështjet juridike, i cili punon në ministri që kur institucioni drejtohej nga Anila Denaj.

Kush është Risena Xhaja?

Nga Mars 2023 Sekretar i Përgjithshëm i Ministrisë së Financave. Ka kryer studimet e larta universitare pranë Fakultetit të Drejtësisë, Tiranë dhe është diplomuar në vitin 2002. Në vitin 2008 është diplomuar në Master pranë Shkollës Pasuniversitare për “Studime Europiane”. Në vitin 2021 ka marrë titullin Doktor duke përfunduar studimet doktorale pranë Fakultetit të Filologjisë, Tiranë.

Profilizuar në të drejtë Civile, administrative dhe Penale. 20 vite eksperiencë në Administratë Qendrore.

Në qershor 2002 ka filluar punë si Specialist në Drejtorinë Juridike, pranë Ministrisë së Kulturës, Rinisë dhe Sporteve duke u ngritur në detyrë të Përgjegjësit të Sektorit të Legjislacionit, në vijim në vitin 2006 Drejtor i Drejtorisë Juridike, Marrëdhënieve me Jashtë dhe Integrimin. Në vitin 2013 Drejtor i Drejtorisë Juridike dhe Marrëveshjeve dhe nga viti 2016 deri në vitin 2019 në pozicionin e Drejtorit të Përgjithshëm Ekonomik dhe Shërbimeve Mbështetëse, pranë Ministrisë së Kulturës, njëkohësisht në këtë periudhë ka ushtruar funksionin e inspektorit të jashtëm financiar pranë Ministrisë së Financave.

Në vitin 2019 ka mbajtur pozicionin e Sekretarit të Përgjithshëm në Ministrinë e Kulturës.

Anëtare e organit këshillimor pranë Ministrit të Drejtësisë për ekzekutimin e vendimeve penale, Kryetare e Bordit te Universitetit të Arteve nga viti 2019 deri në vitin 2022.

Njëkohësisht është aktivizuar edhe në mësimdhënie si lektore në Universitete publike dhe private në Lëndët teknikë legjislative dhe bazat e të drejtës.

Botuese në revistat shkencore ndërkombëtare mbi Trashëgiminë kulturore dhe impaktin financiar në zhvillimin e vendit.

2019 deri në Mars të vitit 2023 ka mbajtur pozicionin e Zv.Drejtorit të Përgjithshëm, të Agjencisë Shtetërore të Kadastrës, njëkohësisht Drejtues i strukturës së Apelimit dhe Bashkëqeverisjes dhe Drejtues I komanduar në dy Drejtori Vendore të këtij institucioni.

Për shkak të detyrës, ka patur kontribut të spikatur në hartim legjislacioni në fushat: Trashëgimi Kulturore, Turizëm, Sport, Kulturë dhe Prona.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • niku: 06/08/2024 14:03

    shyqyr qe hoqen niko plehren

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu