Ushtria e Koresë së Jugut njoftoi se më 28 shtator Koreja e Veriut ka lëshuar një raketë në brigjet e saj. Në njoftim nuk u bë e ditur nëse raketa ishte balistike. Ndërsa Ministria e Mbrojtjes e Japonisë tha se Koreja e Veriut mbase kishte lëshuar një raketë balistike dhe ajo u ul jashtë zonës së saj ekskluzive ekonomike në Detin e Japonisë.
Informacionet u bënë publike rreth një orë para se ambasadori i Koresë së Veriut në Organizatën e Kombeve të Bashkuara i tha Asamblesë së Përgjithshme se "askush nuk mund t'i mohojë" vendit të drejtën për të testuar armë.
"Ne thjesht po ndërtojmë mbrojtjen tonë kombëtare që të ruajmë vendin në paqe dhe siguri", tha ambasadori Kim Song.
Ai shtoi se Koreja e Veriut ka nevojë për një "parandalues lufte" në mënyrë që të mbrohet nga Shtetet e Bashkuara, të cilat kanë mijëra trupa në Korenë e Jugut dhe rregullisht zhvillon stërvitje ushtarake me aleatin e saj.
Koreja e Veriut i cilëson këto stërvitje si kërcënim dhe vazhdimisht dhe bën teste bërthamore dhe raketore si pjesë e përpjekjeve për të rritur ndikimin e saj politik.
Rezolutat e Këshillit të Sigurimit të Kombeve të Bashkuara ia ndalojnë këtij vendi të zhvillojë ose testojë raketa balistike.
Departamenti i Shtetit në SHBA tha se lëshimi i raketës së fundit nga Koreja e Veriut është “në kundërshtim me rezolutat e shumta të Këshillit të Sigurimit të OKB -së”.
“Angazhimi ynë për mbrojtjen e Koresë së Jugut dhe Japonisë mbetet i palëkundur", thuhet në deklaratë.
Nëse testi i fundit konfirmohet të jetë një raketë balistike, ky do të ishte lëshimi i tretë i tillë këtë vit.
Fundjavën e kaluar, Kim Yo Jong, motra me ndikim e udhëheqësit të Koresë së Veriut, Kim Jong Un, tha se vendi saj ka gatishmëri për të rifilluar bisedimet me Korenë e Jugut mirëpo me disa parakushte.
Ajo tha gjithashtu se Pheniani mund të deklarojë një përfundim zyrtar të Luftës Koreane ashtu siç bën thirrje Jugu.
Lajme të tjera
-
Koreja e Veriut rinis testimet raketore duke rritur tensionet me rivalët! Japonia: Provokim i qartë, kërcënojnë paqen në gadishull
18 Mars, 15:57 -
Presidenti jugkorean urdhër marinës: Nëse Koreja e Veriut provokon, kundërpërgjigjuni menjëherë
10 Shkurt, 22:10 -
Zelenskyy: Gjatë këtij janari Rusia na ka hedhur gati 1.000 raketa e dronë
30 Janar, 19:45 -
SHBA: Rusia sulmoi Ukrainën me raketat e dhuruara nga Koreja e Veriut
4 Janar, 21:39 -
Lufta në Ukrainë/ Raketat ruse godasin rajonin e Kharkivit, 6 të vdekur dhe 16 të plagosur në një qendër postare! Ofensiva e Moskës në Avdiivka
22 Tetor 2023, 10:07 -
Sulm me raketa në Dnipropetrovsk, 7 të plagosur
24 Gusht 2023, 08:35 -
Ukraina pretendon se ka shkatërruar një sistem raketash në Krime
23 Gusht 2023, 12:51 -
Australia blen 200 raketa me rreze të largët veprimi të prodhuara nga SHBA
21 Gusht 2023, 13:34 -
Lufta në Ukrainë/ Jenssen: Ukraina mund të heqë dorë nga një pjesë e territorit në këmbim të anëtarësimit! Përgjigja e Podolyak: Heqja dorë nga territori është qesharake
15 Gusht 2023, 09:39 -
Ukraina përgatitet për sulme me raketa nga Rusia në Ditën e Pavarësisë
14 Gusht 2023, 19:59 -
Lideri i Koresë së Veriut ia reklamon raketat e ndaluara ministrit rus
27 Korrik 2023, 12:09 -
Koreja e Veriut lëshon raketa lundruese, mes tensioneve në rritje
22 Korrik 2023, 11:12
