Nuk ndihet i respektuar në PSG, Messi refuzon të rinovojë kontratën me skuadrën franceze

Nuk ndihet i respektuar në PSG, Messi refuzon të rinovojë kontratën me skuadrën franceze

Lionel Messi

Pas Kampionatit Botëror, gjithçka tregonte se ylli argjentinas, Lionel Messi do të rinovojë marrëveshjen e tij me Paris Saint-Germain dhe çdo ide se ai ishte i destinuar të shkonte në MLS në të ardhmen e afërt u zhduk.

Gjërat mund të kenë ndryshuar dhe sipas gazetarit Gerard Romero, argjentinasi nuk është më i bindur se dëshiron të zgjasë marrëdhënien e tij me klubin francezë dhe kjo hap derën për një lëvizje të mundshme në MLS qoftë në merkaton e ardhshme të verës.

Messi përfundon kontratën e tij me klubin francez në qershor të këtij viti, dhe sipas Romeros, 35-vjeçari është më afër të qenit lojtar i lirë sesa të zgjasë qëndrimin e tij me skuadrën e Ligue 1.

Edhe pse prej disa kohësh çdo spekulim për një lëvizje për argjentinasin e ka lidhur atë me klubet e MLS ku Inter Miami dhe New York City FC janë raportuar si destinacione të mundshme për të, ligat e tjera gjithashtu do të ishin të interesuara për ta marrë atë.

Ditët e fundit, u zbulua se nga Arabia Saudite e duan shtatë herë fituesin e Topit të Artë pas vlerësimit të medias që shoqëroi kalimin e Cristiano Ronaldos te Al Nassr.

E gjitha kjo mund të bëhet, pas fitimit të portugezit rreth 200 milionë euro në vit, e që Messi mund të fitojë deri në 300 milionë.

Messit nuk iu rezervua një pritje madhështore nga PSG pavarësisht se u shpall fitues i Kupës së Botës me Argjentinën, ndryshe nga sa ndodhi me futbollistët argjentinas në Francë. Mësohet se një ndër shkaqet që ndikon në dëshirën e Messit për të mos rinovuar, është ndikimi që Mbappe ka në skuadrën franceze. 

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i drejtë vendimi për të shtyrë Komisionin Hetimor për ‘McGonigal’?



×

Lajmi i fundit

Kreshnik Spahiu: Albin Kurti është i përkohshëm, Kosova është e përjetshme!

Kreshnik Spahiu: Albin Kurti është i përkohshëm, Kosova është e përjetshme!