POP 5

Lajmet më të lexuara të 5 minutave të fundit

Kultura

Nxënësit e Lezhës ngjisin në skenë ‘Eposin e Kreshnikëve’! Nga Oda e Miqve te Muji e Halili, magjepsin fëmijët

“Eposi i Kreshnikëve”, kryefjala e trashëgimisë kulturore shqiptare është sjellë artistikisht nga nxënësit e shkollës 9-vjeçare "Besëlidhja" në Lezhe duke përcjellë emocione për publikun në sallë.

Kënga legjendare e “Eposit të Kreshnikëve”, afruar artistikisht nga nxënësit e Lezhës ka suprizuar jo pak publikun. Nga oda e miqve, deri tek festat e rapsodëve pjesë nga cikli i këngëve legjendare të kreshnikëve me në krye dy vëllezërit Mujin dhe Halilin erdhën nën interpretimin e nxënësve të talentuar.

“Ishte shumë e bukur. Kisha një ndjesi jashtëzakonisht mbresëlënëse. Nuk e kisha imagjinuar as në ëndrrat e mia që të dilja në këtë skenë”, shprehet një prej vajzave.

Aktorëve të vegjël interpretimi i veprës u ka përcjellë emocione të jashtëzakonshme.

“Kishim shumë emocione nëse do i pëlqente publiku apo nëse do kishte një problem dhe nuk e dinim se si do dilnim . Por kemi dalë mjaft të kënaqur dhe mendojmë se shfaqja ishte një sukses”, shprehet ajo.

Për mësuesen Alketa Bejtja dhe drejtoreshën e shkollës Anisa Skandaj, se  aktivitete janë një mundësi e mirë për të trashëguar tek të rinjtë dashurinë për artit dhe veprimtari të tilla do të jenë të vazhdueshme.

“Kjo vepër u konceptua jo vetëm në kuadër të aktrimit, por u përpoqëm të sillnim të gjithë elementët e artit popullor. U mirëprit jashtëzakonisht shumë mirë dhe nga të ftuarit”, tha mësuesja Alketa Bejtja.

 “Në shkollën tonë u vu re që nuk kemi talente vetëm në muzikë, por në art , shkencë dhe në aktrim . Unë jam e sigurt që në të ardhmen do kemi arritje të tjera edhe më të mëdha”, tha Anisa Skandaj, drejtoresha e shkollës.

Në kuadër të projekteve “Arte dhe zeje” shkolla 9-vjeçare "Besëlidhja" në Lezhë është bërë në vazhdimësi pjesë e nismave dhe veprimtarive të ndryshme  duke sjellë në skenë vepra si Gjaku i Arbrit etj.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besnik: 28/04/2023 22:51

    Kjo duhet te perbeje lajm she duhet shkruar me germa te medhaja, Aktivitete te tilla edhe lajme te tilla i duhet Shqiperise se lodhur nga prapambetja, pergezoj kete rini te mrekullueshme qe e kan organizuar dhe interpretuan kaq bukur nje pjese te Kultures tone te pasur, ju faleminderit.

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01