POP 5

Lajmet më të lexuara të 5 minutave të fundit

Sociale

Nxënësit e shkollës ‘Besëlidhja’ në Lezhë shesin lule për libra: Do pasurojmë bibliotekën dhe të sjellim dituri

Panairi i luleve nën moton “Ju blini lule, ne blejmë libra”, është nisma që bashkoi nxënësit e shkollës “Besëlidhja” në Lezhë, fitimet e të cilëve do të përdorën për pasurimin e bibliotekës. Mësuesja Lulzime Celami thotë se qëllimi i aktivitetit është edukimi i fëmijëve me dashurinë për librin dhe punën.

LEZHË- “Ju blini lule, ne blejmë libra” është nisma e panairit të luleve që për të dytin vit radhazi bashkoi  nxënësit e shkollës 9 Vjeçare “Besëlidhja” në Lezhë me qëllim pasurimin e bibliotekës së tyre.

Teksa tërheqin vëmendjen e blerësve nën tingujt muzikorë, nxënësit thonë se kanë punuar me shumë dashuri për të kultivuar lulet përmes materialeve të riciklueshme.

 “Dëshirojmë të sjellim buzëqeshje tek njerëzit me aromën dhe bukurinë e luleve tona, dhe sa më shumë lule të mbyllen aq më shumë ajër i pastër do jetë. Misioni jonë më i madh është që të pasurojmë bibliotekën e shkollës tonë me libra dhe të sjellim dituri në mendjen e të vegjëlve”, shprehet një nxënëse.

“Na është dashur disa muaj, e kemi bërë këtë me faza. Kemi rritur lulet në dhjetor, janar dhe në mars”, thotë një nxënëse tjetër. 

Për mësuesen e shkollës Lulzime Celami, qëllimi kryesor i kësaj nisme është edukimi i dashurisë për punën dhe librin tek grupmoshat e vogla të fëmijëve.

 “Ky aktivitet ka një qëllim tjetër në vetvete sepse këto fëmijë duke i blerë vetë, ata në fillim i lexojnë vetë këto libra dhe më pas i japin për të pasuruar fondin e bibliotekës së shkollës”, tha Celami.

Panairi i luleve dedikuar librit është kthyer në një traditë të përvitshme duke tërhequr vëmendjen e shumë qytetareve lezhjanë, të cilët japin kontribut për nismat e nxënësve, duke u blerë atyre lulet.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46