Presidenti amerikan, Barack Obama theksoi këtë të hënë se përpjekjet ushtarake të SHBA-së dhe aleatëve të saj kundër Shtetit Islamik në Irak dhe në Siri janë intensifikuar, duke shtuar se progreset kundër xhihadistëve duhet të jenë më të shpejta. “Ne do t’i godasim më fort se kurrë”, deklaroi presidenti amerikan nga Pentagoni ku mblodhi Këshillin e Sigurisë Kombëtare. “Ata do të dobësohen më shumë, do të bëhet më e vështirë për anëtarët e Shtetit Islamik për të bërë propagandë në mbarë botën”, shtoi kreu i Shtëpisë së Bardhë.