Kryeministri britanik, David Cameron dhe presidenti francez, François Hollande do të mbështesin përpjekjet humanitare të filluara nga SHBA-ja në very të Irakut, dekarloi sot Barack Obama pasi kishte biseduar me dy krerët evropianë.

"Që të dy shprehën mbështetjen e tyre ndaj veprimeve tona dhe janë dakort për të na mbështetur në asistencën humanitare që i ofrojmë irakienëve që vuajnë më shumë", deklraoi Obama gjatë një conference për shtyp.

"Edhe një herë tjetë Amerika është krenare që vepron në krahë të aleatëve dhe miqve të saj më të afërt", shtoi presidenti amerikan.

Obama gjithashtu theksoi se nuk ka një datë fikse mbi përfundimin e sulmeve ajrore amerikane kundër xhihadistëve të Shtetit Islamik dhe se me shumë mundësi ky problem nuk do të rregullohet në ndonjë javë.

Sot, forcat irakiane dhe kurde po përgatiten të fillojnë një ofensivë në territore të humbura në veri të Irakut./ATSH/