POP 5

Lajmet më të lexuara të 5 minutave të fundit

Arkiva

Obama përqafon infermieren e
shëruar nga sëmundja e  Ebolës 

Organizata Botërore e Shëndetësisë bën të ditur se 4992 persona kanë humbur jetën, ndërsa dyshohen edhe 10 mijë raste të tjera që kur virusi vdekjeprurës i Ebolës u shfaq në Afrikën Perëndimore. Presidenti amerikan Barack Obama, ka rilançuar  VIDEO
SHBA- Organizata Botërore e Shëndetësisë bën të ditur se 4992 persona kanë humbur jetën, ndërsa dyshohen edhe 10 mijë raste të tjera që kur virusi vdekjeprurës i Ebolës u shfaq në Afrikën Perëndimore. Presidenti amerikan Barack Obama, ka rilançuar betejën kundër kësaj epidemie duke thënë se mënyra më e mirë për të luftuar virusin është të ndalojmë përhapjen nga burimi i tij.

obama ebola

Nina Pham, infermierja e shëruar nga Ebola, të parën gjë që ka bërë pasi ka dalë nga spitali ka qenë një takim me presidentin Obama në Shtëpinë e Bardhë. Zëdhënësi i Shtëpisë së Bardhë, Josh Earnest tha se Obama kërkoi një takim me Pahm për të treguar punën që është bërë me të në spitalin e Dallas, ku ajo u sëmur teksa kujdesej për një person të prekur nga Ebola, i cili humbi jetën.

“Ai nuk ishte aspak i shqetësuar për ndonjë rrezik të mundshëm, por donte të tregonte mirënjohjen e tij me një përqafim”, tha Earnest duke iu përgjigjur pyetjes nëse Obama mund të jetë në rrezik nga kontakti me Pahm. Earnest vuri në dukje se  Pahm është testuar 5 herë për t’u siguruar se ajo ishte shëruar plotësisht përpara se të dilte nga spitali ku mbahej e izoluar.

obama ebola

Familja e infermieres njoftoi që një ditë më parë shërimin e saj nga virusi. Infermierja Nina Pham rezultoi të jetë pozitiv me virusin më 11 tetor, 3 ditë përpara se një tjetër infermiere Amber Vinson, të infektohej me virusin. Dy infermieret kujdeseshin për pacientin e parë me Ebola në SHBA, Thomas Duncan, ku u infektuan. Një ditë më parë, Craig Spencer, një mjek që punonte në Afrikën Perëndimore, u bë personi i parë me Ebola në qytetin e madh të New Yorkut. Rasti i tij shënon personin e katërt të një personi të diagnostikuar me Ebola në SHBA, pas Duncan, Pham dhe Vinson.

obama ebola
 
Redaksia Online

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03