OBSH apel shteteve të nisin sërish përdorimin e AstraZeneca: Është e sigurt!

Vaksina e AstraZeneca, kundër COVID-19 nuk duhet bllokuar, madje është konsideruar absurd vendimi i disa shteteve evropiane për të bërë një gjë të tillë. të këtij menimi ishin EMA dhe  Organizata Botërore e Shëndetësisë, pas studimeve të tyre, ku ata i kanë bërë apel shteteve të nisin sërish përdorimin e vaksinës anti-COVID të AstraZeneca pasi ajo është e sigurt. 

"Ne nuk duam që njerëzit të panikosen. Për momentin ne do të rekomandonim që vendet të vazhdojnë vaksinimin me AstraZeneca", tha shefja për shkencë e OBSH-së Soumya Suaminathan.

Pas deklaratave të OBSH-së edhe Agjencia Evropiane e Barnave ka deklaruar se benefitet e kësaj vaksine janë më të mëdha se rreziku për efekte anësore.

EMA deklaroi sot se nuk ka “asnjë tregues se vaksinimi i ka shkaktuar këto efekte”.

“Nuk ka indikacione se vaksinimet mund të kenë shkaktuar këto ngjarje” por EMA po kryen “një analizë rigoroze të ngjarjeve tromboembolike” dhe po vlerëson “reagimet e dyshimta rast pas rasti”-tha Emer Cooke,

Rregullatori i Bashkimit Evropian ka thënë se numri i raporteve për mpiksje gjaku te njerëzit e vaksinuar me AstraZeneca, nuk është më i lartë se tek ata që nuk janë vaksinuar.

Ajo ka thënë se rreziku i përfitimit është më i lartë se i humbjes. Gjatë fjalës së saj ajo shtoi se ekspertët e EMA-s po vijojnë që të analizojnë dhe hetojnë rastet që kanë shfaqur efekte si mpiksje gjaku dhe çrregullime tromboembolike në mënyrë që të dalin në një përfundim. Cooke gjithashtu tha se në një situatë të tillë ku po vaksinohen miliona njerëz kjo gjë është e pritshme.

BE ka miratuar vaksinat nga Pfizer / BioNTech, Moderna, AstraZeneca dhe Johnson & Johnson dhe po monitoron të tjerat, përfshirë vaksinën Sputnik V të Rusisë.

Organi rregullator i BE është "plotësisht i bindur" se përfitimet e vaksinës tejkalojnë rreziqet e mundshme.

Kryetarja e Agjencisë së Barnave në Evropë (EMA), tha se në varësi të rezultateve të vlerësimeve të ekspertëve do të merren masat e duhura. Ajo tha se më shumë janë të shqetësuar për shkak të humbjes së besimit të njerëzve te vaksina.

“Prioriteti është të sigurojmë që vaksinat të mund të përdoren në mënyrë të sigurt në popullatën evropiane, nëse kjo do të thotë se një paralajmërim shtesë mund të jetë i nevojshëm, ne do të shikojmë në atë, nëse besojmë se ekziston një problem që nuk mund të zgjidhet. Do të ndërmarr veprimet e nevojshme për t’u marrë me këtë. Varet vërtet nga rezultati i vlerësimeve të ekspertëve. Ne jemi të shqetësuar se mund të ketë një efekt në besimin e vaksinave, por puna jonë është të sigurohemi që produktet që autorizojmë janë të sigurta”, tha ajo.