POP 5

Lajmet më të lexuara të 5 minutave të fundit

Opinion

Oferta për aleatët, njësoj si para çadrës!

Është pak a shumë taktika që ndoqi në vitin 2017, kur aleatëve të vegjël u premtoi vende në lista, me kusht që ata të mbështesnin çadrën dhe më pas marrëveshjen me Ramën. Tani po përsëritet e njëjta skemë. Basha duket se e ndjen realisht rrezikun e përçarje së aleatëve para fillimit të fushatës, për shkak të injorimit që ai ju ka bërë kërkesave të tyre për ndryshime në Kodin Zgjedhor dhe shmangien e debatit për reformën zgjedhore.

Oferta për aleatët, njësoj si para çadrës!

Lulzim Basha pas një takimi me aleatët

Partia Demokratike u ka ofruar aleatëve të vet kandidatë të përbashkët në zgjedhjet lokale, në këmbim të mbështetjes së strategjisë së PD, për të mos hyrë në zgjedhje lokale. Ajo që në pamje të parë duket si ofertë për ndarje zonash, është në fakt ofertë për të mbështetur PD-në, në qëndrimin për të mos hyrë në zgjedhje, nëse nuk plotësohen kushtet e saj. Propozimi themelor i Bashës nuk ka të bëjë me oferta për zona të lira për kandidatë të përbashkët, pasi parti të tilla të vogla si demokristianët, republikanët apo partia e Dash Shehit, nuk kanë peshë të tillë, që mund të fitojnë ndonjë bashki, dhe sikur t’i mbështesë PD.

Biles dhe Dulja që ka një zonë minoritare në Dropull apo Sarandë, është më i dobët se Vangjel Tavo në Dropull, apo “MEGA” në Sarandë. E vetmja që mund të marrë zona të lira është LSI, dhe ajo nën rrezikun që zemërimi i PD-së lokale ndaj kandidatit të saj, t’ia dështojë fitoren. Thelbi i ofertës është taktika që Basha t’i mbajë të bashkuar deri javën e fundit të fushatës aleatët, që të mos i relativizojnë betejën për mos hyrje në zgjedhje.

Është pak a shumë taktika që ndoqi në vitin 2017, kur aleatëve të vegjël u premtoi vende në lista, me kusht që ata të mbështesnin çadrën dhe më pas marrëveshjen me Ramën. Tani po përsëritet e njëjta skemë. Basha duket se e ndjen realisht rrezikun e përçarje së aleatëve para fillimit të fushatës, për shkak të injorimit që ai ju ka bërë kërkesave të tyre për ndryshime në Kodin Zgjedhor dhe shmangien e debatit për reformën zgjedhore.

Nga ana tjetër, të njëjtët aleatë kanë kundërshtuar bojkotin e zgjedhjeve, apo djegien e mandateve. Në këto kushte, Basha ka ndryshuar vetëm terminologjinë e bojkotit, duke bërë sikur po u ofron diçka për një qëllim, që në fakt nuk është doemos dhe i tyre. Oferta me kusht për qeveri teknike për zgjedhje lokale, është një ofertë për bojkot, por e thënë me fjali të tjera, pasi Basha nuk ka asnjë mekanizëm që ta detyrojë qeverinë të dorëhiqet, përveç mandateve.

Ai thjesht nuk do që aleatët ta lënë të vetëm disa muaj para zgjedhjeve, me shpresë se do t’i gënjejë ditën e fundit si dy vjet më parë. Dhe tek Basha, shpresa për të gënjyer dikë përsëri, vdes e fundit./TemA/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meta: 13/02/2019 09:43

    Ja kush pokerkon qeverisjen e ketij populli e ketij vendi!?Mjerim I mjrimit.Vrases,kriminel,hajdut e te pacipe. Zot shpetoje Shqiperine dhe Shqipetaret,Nuk kane bere ndonje mekat ndaj aksujt e as ndaj vetevetes.Qe te malloken nga krijuesi me ardhjen e ketyre hiq hioqave, te cilet kyn popuul I ka "shijuar"i ka apsur tete vjete sundimtar dhe ka vaujtur te zit e ullirit,Mos e mallko Zot Shqiperine te zprovohet edhe njehere me keta dallkaute.

    Përgjigju
  • Hinglateri: 11/02/2019 23:39

    Basha pinoku

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

Lufta/ Sulm masiv me dron dhe raketa, Rusia goditet një ndërtesë në Sumy, humbin jetën 10 persona

18 Nëntor, 08:18