'Do zbatoj me përpikëri Kushtetutën'/ Olta Xhaçka dhe Niko Peleshi betohen para presidentit Meta (VIDEO)

Pasi Kuvendi votoi dy emrat e rinj në ministrinë e Jashtme dhe të Mbrojtjes, dy ministrat Olta Xhaçka dhe Niko Peleshi janë betuar pasditen e kësaj të hëne para presidentit Ilir Meta. 

Pas ekzekutimit të himnit kombëtar, Ministrja Xhaçka dhe Ministri Peleshi u betuan me dorën mbi Kushtetutë para Kreut të Shtetit: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”

Presidenti i  Republikës,  Ilir Meta u dorëzoi dekretet përkatëse të emërimit Ministres Xhaçka dhe Ministrit Peleshi, duke u uruar suksese në detyrat e tyre të reja e të rëndësishme. Në ceremoninë e betimit ishin të pranishëm Sekretari i Përgjithshëm i kryeministrisë, Engjëll Agaçi si dhe anëtarë të Kabinetit të Presidentit.


Lajmi kryesor:

Ndryshimet në qeveri/ Kuvendi në seancë të jashtëzakonshme, miraton me nga 94 vota Olta Xhaçkën ministre të Jashtme dhe Niko Peleshin te 'Mbrojtja'! Betohen te Meta


B.K./b.ha./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet