Ministri i Drejtësisë, Petrit Vasili, ka folur sërish për letrën që u ka dërguar titullarëve të institucioneve dhe ambasadorëve.

Sipas tij, në atë letër janë ngritur disa problematika për të futur rolin e ONM-së dhe komunikimin e institucioneve për këtë proces në rrugë kushtetuese.

"Kam ngritur disa çështje që besoj se janë plotësisht të ndreqshme, të cilat e fusin procesin në një rrugë të domosdoshme të qartësisë së kushtetutës që vendosin qartë rregullat e komunikimit mes institucionit të ONM-së dhe komunikimet edhe me institucionet shqiptare për t'i kryer në mënyrë sa më të mirë dhe transparente. Dhe sigurisht letra i bie këto në vëmendje, pastaj se cilat do të jenë reflektimet, nuk janë reflektime që vijnë nga unë. Unë kam detyrimin që t'i bëj të qarta atje ku konstatoj. Ju letrën e keni parë dhe e keni konsumuar, besoj", u shpreh Vasili.  

Redaksia Online
l.q/Shqiptarja.com