POP 5

Lajmet më të lexuara të 5 minutave të fundit

Ekonomi

Open Data Albania: Ja si kanë
ecur privatizimet në vite

Privatizimet e pronës shtetërore janë kryer me ritëm shumë më të përshpejtuar vitin e kaluar, si pasojë e nevojës për likuiditet që ka qeveria në kushtet e rënies së të ardhurave fiskale. Open Data Albania ka kryer një hulumtim mbi të ardhurat nga procesi i privatizimeve gjatë viteve 2010-2013 në vendin tonë, duke iu referuar parashikimeve në buxhetin fillestar dhe realizimit faktik për këtë zë.
Open Data Albania: Ja si kanë<br />ecur privatizimet në vite
TIRANE - Viti 2012 rezulton të ketë qenë viti me nivelin më të lartë të të ardhurave faktike nga privatizimi që nga viti 2005. Nga 300 milionë lekë të parashikuara, ato arritën në 880 milionë lekë apo rreth 3 herë më shumë.

Ndërkohë, vitet 2010 dhe 2011 shënojnë nivele relativisht të ulta të të ardhurave nga privatizmi, përkatësisht 411 milionë lekë dhe 438 milionë lekë. Megjithatë, duhet theksuar se këto shifra janë më të larta se sa nivelet e parashikuara në buxhetin në fillim të vitit.

Në total, të ardhurat nga privatizimi për vitet 2010-2012 kanë rezultuar 1.74 miliardë lekë. Krahasuar me vitet e mëparshme, sidomos me periudhat 2000-2001 apo 2004-2009, kur të ardhurat nga privatizmet arritën në rreth 67 miliardë lekë, të ardhurat për vitet 2010-2012 paraqiten vërtet modeste.

Kjo vjen kryesisht për dy arsye. Së pari, pjesa më e madhe e sektorëve strategjikë tashëm është privatizuar dhe së dyti, nga dështimet në privatizimet e mëdha të parashikuara, si rasti i kompanisë Albpetrol.

Për vitin 2013, pavarësisht përpjekjeve për finalizimin e disa privatizimeve strategjike, janë parashikuar vetëm 500 milionë lekë të ardhura nga ky proces. Kjo flet për një maturi në procesin e hartimit të buxhetit, duke u përpjekur që shpenzimet e parashikuara në buxhet, si dhe treguesit e borxhit, të jenë brenda nivelit të të ardhurave të siguruara nga një rrjedhë normale e funksionimit të financave publike.

Megjithatë, nga ana tjetër, mospërfshirja e të ardhurave nga privatizimi në Buxhetin e prezantuar për shqyrtim dhe miratim në Kuvend, si dhe shtesa në nenin 9 të ligjit “Për Buxhetin e vitit 2013”, në bazë të të cilit të ardhurat nga privatizimi mbi shumën e parashikuar në buxhet përdoren me Vendim të Këshillit të Ministriave, bën që të gjitha të ardhurat e siguruara mbi nivelin e buxhetuar, të mos diskutohen fare në Kuvend, ndërkohë që ky instotucion përbën hallkën përfundimtare që vulos gjetjen e burimeve financiare dhe përdorimin e tyre.

Shkrimi u botua sot në gazetën Shqiptarja.com (print) 07.03.2013

Redaksi Online
(b.m/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Protesta e PD/ Policia ndërhyn për t’i shpërndarë, militantët e Berishës përplasen me efektivët te sheshi Willson

Protesta e PD/ Policia ndërhyn për t’i shpërndarë, militantët e Berishës përplasen me efektivët te sheshi Willson

26 Nëntor, 17:41