Megaoperacioni 'Tempulli', goditen 23 grupe shpërndarësish droge nga Tirana në Vlorë! 233 të arrestuar brenda natës, 82 në kërkim! Balla: Do ua nxijmë jetën!

Saimir Rexhepi, i njohur ndryshe me pseudonimin, "Ujku i Cërrikut" është një nga të arrestuarit gjatë megaoperacionit “Tempulli” të zhvilluar nga Policia e Shtetit. Gazetari i Report Tv Sokol Dema ka siguruar videon kur ai arrestohet, ndërsa shihet duke ulëritur në momentet e shoqërimit nga forcat e policisë.

23 grupe kriminale u shkatërruan në megaoperacioni i zhvilluar në 5 qarqe të ndryshme të vendit, Tiranë, Durrës, Korçë, Vlorë dhe Elbasan kundër shpërndarësve të drogës në shkolla dhe lokale.

Vetëm në kryeqytet, gjatë aksionit u firmosën 120 urdhër-arreste ndërsa në total ranë në pranga 233 shpërndarës të lëndëve narkotike. Drejtori i përgjithshëm i policisë tha figurativisht se ata kishin helmuar tempullin e dijes duke shitur droga të ndryshme për nxënësit e shkollave. Aksioni sipas kryeministrit edi rama, angazhoi 3 mijë policë nga Sektori i Antidrogës, Forcat Operacionale, FNSH e RENEA.

Mes të arrestuarve është edhe efektivi i policicë Saimir Hysa i cili është vënë në pranga nën akuzë për shpërdorim detyre e përkrahje e autorit të krimit. Për herë të parë në Shqipëri gjatë këtij aksioni u zbulua një drogë e re xhelatinoze, e cila vinte nga Kanadaja. Sipas burimeve shitej më shtrenjtë se dozat e kanabisit. Një prej personave të arrestuar disa javë më parë në Tiranë, Genis Mustafa, është pjesë e këtyre grupeve. 22 prej personave të arrestuar janë kapur në Kombinat, dhe sipas burimeve e kishin kthyer zonën në një “fushë” të shpërndarjes së drogës. Mësohet se në pranga ka përfunduar edhe një menaxher i një lokali në ish-Bllok, pasi në ambientet e tij shpërndahej drogë. Lënda narkotike e ardhur nga Kanadaja është shumë me e fortë se kanabisi që kultivohet brenda vendit, me 5 apo 6 fish më shumë efekt, si pasojë edhe me e shtrenjtë.

Presidenti Bajram Begaj përshëndeti operacionin e ndërmarrë nga policia për goditjen e shpërdarësve të drogave në ambientet rreth shkollave dhe blloqeve banimi.

Në një postim në rrjetin social Facebook, Begaj shkruan se angazhimi i policisë dhe rezultati i shkëlqyer i këtij operacioni garanton më shumë siguri publike pranë shkollave.

“Përgëzime policisë së shtetit për profesionalizmin dhe përkushtimin në realizimin me sukses të Megaoperacionit “Tempulli”. Angazhmi i policisë dhe rezultati i shkëlqyer i këtij operacioni garanton më shumë siguri publike pranë shkollave.”, shkruan Begaj.

Këto janë pamjet e megaoperacionit ‘Tempulli’ të zhvilluar në disa qytetë të Shqipërisë,  ku deri më tani janë ekzkeutuar 216 masa sigurie arrest me burg dhe janë arrestuar në flagrancë 30 shtetas. Në pamjet e publikuara nga policia, shihet edhe momenti kur efektivët bastisin banesat dhe kryejnë arrestimet, ndërsa gjejnë të fshehura drogë e para. Ndërkohë, gjatë operacionit ka pasur edhe patrullime nga ajri me helikopterë.

Gjatë këtij megaoperacioni, si rezultat i kontrolleve në banesa dhe në ambiente të tjera, deri tani janë  sekuestruar: 

-13 armë zjarri (2 kallashnikovë, 10 pistoleta dhe 1 pushkë), 5 armë gjahu/sportive, 1 elektroshok, 8 armë të ftohta (thika, doreza metalike);  

-134.5 kg kanabis, 364 fara kanabisi, 1.2 kg kokainë, mijëra doza kanabisi, kokaine dhe heroine, qindra doza MDMA, tableta ekstazi, sasi të drogave sintetike GAB dhe Poppers, 23 peshore elektronike, 3 mjete për përpunimin dhe ndarjen e lëndëve narkotike në doza;

-225 celularë, 35 automjete, 1 801 000 lekë të rinj, 38 845 euro, 6100 paund, 1100 dollarë;

-Gjithashtu, janë sekuestruar 4 motomjete, 12 targa, pajisje si të Policisë dhe dokumente false.

Zbulohen detaje të reja lidhur me arrestimet në Tiranë në kuadër të megaoperacionit “Tempulli”.

22 prej personave të arrestuar janë kapur në Kombinat, dhe sipas burimeve e kishin kthyer zonën në një “fushë” të shpërndarjes së drogës. Mësohet se në pranga ka përfunduar edhe një menaxher i një lokali në ish-Bllok, pasi në ambientet e tij shpërndahej droga. Droga e ardhur nga Kanadaja është shumë me e fortë se kanabisi që kultivohet brenda vendit, me 5 apo 6 fish më shumë efekt, si pasojë edhe më e shtrenjtë.

Një kuti si ato të konservave, kushton 50 euro, ndërsa të tjerat shkojnë deri në shifra 300 euro.

Seksioni Kundër Narkotikëve në Policinë e Tiranës sekuestroi edhe 3.7 kg kokainë gjatë operacionit të sotëm dhe 10 kg kanabis. Ndërkohë, mësohet se janë sekuestruar edhe 30.000 euro, 45 milionë lekë të vjetra, 6000 paund, 12 automjete, 3 motomjete, 78 aparate celularë dhe 12 peshore elektronike, informon gazetari i Report Tv, Sokol Dema.

Kanabisi me llampa që vinte nga Kanadaja, është i fortë si drogë dhe sipas burimeve shitej më shtrenjtë se dozat e kanabisit. Mësohet se një prej personave të arrestuar disa javë më parë në Tiranë, Genis Mustafa, është pjesë e këtyre grupeve të goditura sot në kryeqytet.

Për Mustafën, pak javë më parë Gjykata e Tiranës caktoi 45 ditë burg, pasi ai pretendonte se nuk e dinte çfarë kishte pako në makinë dhe se atë ia kishte dhënë një tjetër person. Mustafa u arrestua bashkë me dy personat e tjerë nga Shijaku Andrea Dema dhe Robert Domi, për të cilët u caktua burg 30 ditë. Tre të rinjtë, më 2 shtator u shfaqën të qeshur në gjykatë para se t’u jepej masa e sigurisë.

Kryeministri Edi Rama përshëndeti operacionin e ndërmarrë nga policia për goditjen e shpërdarësve të drogave në ambientet rreth shkollave dhe blloqeve banimi.

“Superoperacioni i policisë së shtetit u ka hedhur prangat gjatë gjithë natës së mbrëmshme dhe deri në orët e para të mëngjesit 233 shpërndarësve të drogës, të cilët kishin në shënjestër të veprimtarisë së tyre kriminale nxënësit e shkollave.

Pas një hetimi të imtësishëm e mbledhjeje të provave në të gjitha qarqet e vendit janë shkatërruar 23 rrjete kriminale dhe është neutralizuar një burim i rrezikshëm dëmi për shëndetin e më të rinjve, ndërkohë që kjo është një tjetër provë e ngritjes së luftës kundër krimit të organizuar në një nivel të ri.

Një duartrokitje e fortë për Policinë e Shtetit, e cila dita-ditës po rrit forcën goditëse ndaj keqbërësve të çdo lloji dhe po afirmon fuqinë e saj si garante e rendit, sigurisë e qetësisë publike në çdo komunitet”

Ministria e Brendshme do të propozojë ndryshime ligjore për dyfishimin e dënimit për krimet e kryera brenda perimetrit të sigurisë së shkollave, veçanërisht për shpërndarjen e lëndëve narkotike.

"Do të bëjmë publike edhe propozimet tona për ndryshime në Kodin Penal për “dyfishim” të dënimit të krimeve që ndodhin brenda perimetrit të sigurisë në shkolla ku fokusi i veçantë mbetet dyfishimi i të gjitha formave të dënimit për shpërndarjen, shitjen e lëndëve narkotike, brenda perimetrit të sigurisë në shkolla", tha ministri Balla.

Do të bëjmë publike edhe propozimet tona për ndryshime në Kodin Penal për “dyfishim” të dënimit të krimeve që ndodhin brenda perimetrit të sigurisë në shkolla ku fokusi i veçantë mbetet dyfishimi i të gjitha formave të dënimit për shpërndarjen, shitjen e lëndëve narkotike, brenda perimetrit të sigurisë në shkolla.

"Krahas drogave tradicionale është shtuar përdorimi nga të rinjtë edhe i drogave sintetike, që paraqesin një rrezikshmëri të lartë për jetën e tyre. Edhe sot gjatë operacionit të policisë, gjatë kontrolleve janë zbuluar lloje droge, të cilat për ne ishin të panjohura më parë për ekzistencën e tyre në Shqipëri. Kur shpalla më datë 1 shtator planin e masave për sigurinë në shkolla, kisha në mendje pikërisht këtë situatë alarmi social, që prek apo rrezikon të prekë drejtpërdrejtë familjet dhe fëmijët tanë", shtoi ministri.

Balla tha se krahas ndryshimeve ligjore, lufta ndaj fenomenit të drogës përfshin edhe ngritjen e një aleance ndërinstitucionale e mbarëqytetare kundër drogës. Synimi sipas ministrit të brendshëm është që të mos lejohet asnjë zonë e lirë për grupet kriminale veçanërisht pranë shkollave.

"Objektivi im kryesor në krye të Ministrisë së Brendshme në bashkëpunim me DPPSH, është që, ta themi njëçikë kështu shqip, që spaçatorëve do duhet t’ua nximë jetën në ditët në vijim."

Nga janari deri në 1 shtator policia ka sekuestruar 829 kilogramë kanabis, 61 kilogramë kokainë, 15.5 kilogramë heroinë dhe 5.2 kilogramë ekstazi të destinuar për tregun e brendshëm duke proceduar 1541 persona.

Ministri i Brendshëm Taulant Balla në konferencën për mediat për megaoperacionin antidrogë u shpreh se janë goditur shpërndarësit e drogës nëpër shkolla. Balla tha se është kambanë alarmi fakti se është ulur mosha e përdorimit të drogës. Sipas Ballës po përdoren lloje drogrash sintetike të cilat janë një rrezik për jetën për të rinjtë ndërsa theksoi se do të shtohen masat.

'Përgëzoj dhe i shpreh mirënjohjen time forcave të policisë së shtetit të përfshira në operacionin e konkluduar sot. Falënderoj prokurorinë dhe forcat e armatosura të cilat përmes Shtabit të përgjithshëm në bënë të mundur edhe vënien në dispozicion të helikopterëve. Ishte një operacion i mirëkoordinuar për identifikimin dhe goditjen e rrjeteve kriminale për prodhimin dhe shpërndarjen e lëndëve narkotike. Operacioni shënoi rezultate impresionues enë luftën kundër drogës. Janë 214 masa sigurie shtuar këtu edhe 23 të tjerë që janë arrestuar gjatë kontrollove në flagrancë. Përdorimi i substancave narkotike ka marrë përmasa të panjohura më parë. Po ulet mosha e atyre që përdorin për herë të parë lëndë narkotike duke filluar nëpër shkolla veçanërisht në shkolla të mesme. Është shtuar edhe përdorimi i drogave sintetike që paraqesin rrezikshmëri të lartë. Janë zbuluar llojë droge që për ne ishin të panjohura më parë për ekzistencën e tyre në Shqipëri. Këto të dhëna janë një kambanë alarmi por institucionet duhet të bëjnë reagim të gjithë së bashku. S’do lejojmë zona të lira për spacatorët e drogës.’- tha Balla.

Drejtori i Përgjithshëm i Policisë, Rrumbullaku po jep detaje nga megaoperacioni i koduar “Tempulli’ për goditjen e shpërndarjes së drogave në afërsi të shkollave, lokaleve, dhe blloqeve të banimit.

Operacioni u zhvillua në të njëjtën kohë në të gjithë territorin e vendit duke shkatërruar 23 grupe kriminale në Tiranë, Durrës, Korcë, Elbasan e Vlorë.

Bëhet fjalë për firmosjen e 296 masa sigurie arrest në burg, kontrolle për 356 ambiente. U zbatuan 214 masa sigurie 'arrest në burg' ndërsa vijon kërkimi për 82 të tjerë anëtarë të këtyre grupeve kriminale.

Në kuadër të 8 muajve janë bllokuar sasi të mëdha droge që do të hidheshin në treg në doza të vogla. Konkretisht

- 829 kg kanabsi një pjesë e përpunuar në formë çokollatë

-61 kg heroinë

15.5 kg kokainë

-5.2 kg drogë ekstazi

-Të ndaluar 1541 shtetas për shitje lëndësh narkotike

Zbulohen foto të reja të drogës që tashmë ka hyrë në qarkullim në Tiranë. Bëhet fjalë për një drogë xhelatinoze në formën e hariboje dhe me shije të ndryshme.

Kanabisi xhelatinoz vinte me postë nga Kanadaja. Report Tv sjell foto si është droga e re. 

Një lloj droge e re është zbuluar gjatë megaoperacionit që vijon në disa qytete. Bëhet fjalë pë një drogë xhelatinoze që vjen nga jashtë dhe në Shqipëri ka hyrë me postë nga Kanadaja.

Gazetari Sokol Dema i Report TV siguron foto të kësaj droge e cila rezulton të jetë shumë e rrezikshme.

Në Tiranë deri tani thuhet se janë ekzekutuar 80 urdhërarreste ndërsa 8 urdhërarreste janë persona që janë arrestuar më herët dhe ndodhen në burg.

Operacioni është shtrirë në të gjithë Tiranën.

Në kuadër të megaoperacionit që po zhvillohet në të gjithë vendin me fokus trafikun e drogës, deri tani në Fier janë arrestuar 4 shtetas ndërsa jane proceduar në gjendje të lire 6 të tjerë.

Megaoperacioni vijon. Në drejtorinë e Policisë së Shtetit do të mbahet një konferencë për shtyp në orën 11:30 për të dhënë rezultatet e megaoperacionit antidrogë mbarëkombëtar.

Në Tiranë deri tani  janë ekzekutuar 80 urdhërarreste  

Mbi 200 është numri i të arrestuarve në kuadër të një megaoperacioni policor që po zhvillohet në disa qytete të vendit. Burime për Report Tv bëjnë me dije se shpërndarësit e drogës ranë në pranga pasi agjentë të infiltruar bënë blerje të stimuluara të drogës. Shpërndarësit janë në zona të ndryshme, ndërsa prokuroria e Tiranës thotë se i ka dokumentuar me prova dhe filmime aktivitetin kriminal.

Prej dy ditësh një operacion anti drogë po zhvillohet edhe në qarkun e Vlorës. Burime për Report Tv bëjnë me dije se janë 50 të shoqëruar në qytetin e Vlorës gjatë natës dhe mëngjesit të sotëm.

Aksioni gjatë natës është zhvilluar nga policia e Vlorës, ndihmuar nga FNSH dhe strukturat e tjera policore. Ndërkohë një person tjetër është arrestuar në Himarë me kokainë në banesë.

Janë kapur edhe sasi lëndë narkotike, canabis, kokainë dhe armë zjarri.

Operacioni antidrogë është i shtrirë edhe në Sarandë. Gjatë operacionit janë arrestuar 5 persona. Ende nuk ka detaje të tjera për emrat e tyre.

20 persona janë arrestuar në Durrës në kuadër të operacionit anti-drogë që po zhvillohet në disa qytete të vendit.

Megaoperacioni policor për arrestimin e personave precedent të narkotikëve i cili po zhvillohet në disa vende të Shqipërisë përfshin edhe Qarkun e Korçe. Sipas burimeve nga policia e këtij Qarku behet e ditur se operacioni është ne vijim dhe sipër, ndërkaq policia është në terren dhe në pune për të vënë në pranga shtetasit të cilët merren me veprimtari në fushën e narkotikëve. Kontrolle po ushtrohen në disa zona kryesisht në Korcë, Maliq dhe Pogradec. Pritet që nga policia të ketë reagim zyrtar për te ndaluarit, e sipas burimeve thuhet se janë arrestuar 18 persona.

Në kuadër të operacionit anti-drogë që po zhvillohet në disa qytete të vendit në Elbasan bëhet me dije se janë arrestuar 7 në persona dhe 5 janë shpallur në kërkim.

Mes të arrestuarve edhe një polic. Efektivi Saimir Hysa është vënë në pranga nën akuzë për shpërdorim detyre e përkrahje e autorit të krimit.

Në pranga Glidi Ballolli, Frencesk Braho, Evis Duzha, Rapi Malaj, Saimir Rexhepi e Stiven Faqolli. Arrestimet në Elbasan, të ndaluarit nën akuzë për drogë, armë pa leje e trafik veprash arit.

Një operacion antidrogë po zhvillohet në disa qytete të vendit. Burime për Report Tv thonë se është sekuestruar kokainë, peshimi i të cilës nuk është bërë akoma për shkak të vijimësisë së operacionit. Ndërkohë gjatë tij është konstatuar edhe një lloj droge e re e cila vinte nga jashtë, kryesisht me postë, një lloj droge xhelatinoze.

Burimet thonë se gjithashtu janë kapur qindra doza kanabisi dhe shuma të mëdha parash. Ka edhe vajza të përfshira në këtë veprimtari kriminale. 

Një operacionin antidrogë është duke u zhvilluar nga policia e Tiranës, Sektori i Antidrogës, nën drejtimin e prokurorisë së kryeqyteti për të goditur shpërndarësit e lëndës narkotike. Sipas burimeve janë lëshuar në total vetëm për qytetin e Tiranës janë lëshuar 120 urdhër arreste. Deri më tani janë shoqëruar dhe ndaluar në polici mbi 70 persona.

Operacioni i policisë është shtrirë kudo nëpër Tiranë, nga Vora, Shkolla e Bashkuar, ish-Bllok, Kamëz, afër qendrës, Tiranë e Re e më gjerë. Personat e arrestuar i përkasin disa grupeve kriminale. 8 persona, veç këtyre 120 që është lëshuar urdhër-arresti sot janë arrestuar që më herët në operacione të mëparshme.