Kushtet higjenike në të cilat duhet të realizohet një operacion plastik janë të njëjta me ato që do duheshin për çdo operacion tjetër, mungesa e tyre do të sillte komplikacione të mëdha”, sqaron për Shqiptarja.com kirurgu Vladimir Filaj. Sipas specialistit, “jo vetëm operacionet që kanë një rrezikshmëri dhe kosto të lartë por edhe ndërhyrjet estetike si buzët,mollzat dhe botoksi duhen kryer në klinika dhe jo në parukeri”.
Rritja e numrit të personave që kryejnë këto operacione, është pasuar edhe me një sërë abuzuesish që kryejnë ndërhyrje dhe realizojnë operacione jashtë kushteve higjenike duke rrezikuar jo vetëm rezultatet e operacioneve por edhe jetën e vetë personave që i kryejnë ato. Ndërhyrjet më të shpeshta që realizohen në vendin tonë, janë ato të heqjes së dhjamit, zmadhimi i gjoksit, ndërhyrjet në hundë, lifting i fytyrës otoplastika apo blefaroplastia. Personat që i drejtohen kirurgjisë plastike variojnë nga 18 deri në 60 vjeç, pasi këshillohet që këto ndërhyrje të realizohen pasi individët të kenë kaluar moshën e rritjes dhe të jenë në moshë madhore.
Shkrimi u publikua sot (30.01.2014) në gazetën Shqiptarja.com (print)
Redaksia Online
(d.d/shqiptarja.com)
![](https://www.shqiptarja.com/template/img/sh_logo1.png)