Në Tepelenë vijojnë operacionet e policisë në luftën ndaj kanabis sativa. Në operacionin e koduar “Hija e Lisit” që është zhvilluar nga efektivat e Komisariatit të policisë së
Tepelenës janë asgjësuar 100 rrënjë kanabis sativa të kultivuara në kubik gati për tu kultivuar në një parcelë të hapur rishtazi në pyllin e fshatit Rabie të komunës Luftinj. Në pranga të policisë ka rënë Fatmir Çaushi 44 vjeç lindur në fshatin Rabie Tepelene, i cili është autor i kultivimit të këtyre fidanëve si dhe pronar sipërfaqes së tokës në këtë pyll.

Gjithashtu gjatë kontrollit në kasollen e tij ku rinte e grumbullonte bimët medicinale iu gjet dhe iu sekuestrua një armë zjarri pushkë model 56, me 10 fishekë të cilat i mbante pa leje. Arrestimi i tij u për veprat penale të kultivim të bimëve narkotike, dhe armëmbajtje pa leje. Ndërkohë policia e Tepelenës vijon krehjen e territorit.