Berisha për gjyqin në Francë me Blinken: Ka dy faktorë kundër meje! PD ‘non grata’ në PPE? Qëndrim personal i deputetit të CDU-së, mos ndërhyj në punët tona

Ka kaluar një vit nga shpallja ‘non grata’ e Sali Berishës. I pyetur nga gazetarja e Report TV Danjela Maloku për procesin gjyqësor ndaj Antony Blinken, Berisha tha se ka dy disfavore përballë sekretarit të shtetit.

"Gjyqin në Francë po e ndjek me shumë angazhim avokati im që i kam dhënë besimin e plotë. Por ka faktorë pro dhe kundër meje. Kundër meje është fakti se as unë dhe as sekretari i shtetit nuk jemi shtetas francezë, por tani mund të them edhe diçka më shumë se nuk jemi shtetas të BE-së. nuk është në favor edhe fakti që Sekretari i Shtetit është personalitet me imunitet. Në favor timin janë dy faktorë: në një parim ndërkombëtar shpifja dënohet aty ku del. Edhe në Shqipëri mund të dënohej. Po imagjinoni ju të hapësh gjyq në Shqipëri. Së dyti vërtetë Sekretari i Shtetit është njeri me imunitet, por shpifja në themel nuk hyn në veprimtaritë zyrtare.

Se si do vendosë gjykatësi nuk e di, por procedura gjyqësore do të jetë e pandërprerë. Nëse këto faktorë dalin kundër meje, nëse thonë nuk je shtetas francez, apo shtetas i hapësirës së BE-së, pasi të studioj përgjigjen, do këshillohem me avokatin dhe do shoh hapësira të tjera. Do vazhdoj me rrugën gjyqësore dhe rrugën e transparencës. Gjer më sot janë 45 publike në mediat e ShBA-së dhe vendeve të tjera që kanë faktuar se s’ka asnjë provë e fakt. Është përdorur ligji për qëllime politike bazuar në shpifjet politike të Soros dhe Ramës", tha Berisha.

Ndalur në procesin e zgjedhjes së presidentit të ri, Sali Berisha thotë se çdo veprim i Alibeajt nuk përfaqëson Partinë Demokratike, pasi nuk ka asnjë tagër sepse është i shkarkuar. Sipas Berishës, Alibeaj dhe mbështetësit  e tij po përdoren nga Edi Rama.

“PD është forcë politike kryesore opozitës dhe ajo funksionon mbi bazë procedurash vendimesh. Gjithçka shihni ju janë një pardo i neveritshme, dëshmo tjetër e keqe e shfrytëzimit ekstrem nga Edi Rama të individëve të caktuar që për disa arsye pranojnë të vetëposhtërohen nga Edi Rama por nuk përfaqësojnë asgjë nga PD. Në vendimet e PD-së, por bazuar në traditën dhe praktikën e mëparshme, kemi bërë të qartë para jush qëndrimet tona, çdo gjë që Edi Ram bën me Alibashën është një praktikë do thosha e denigrimit e shpërfytyrimit dhe keqpërdorimit të dy tre njerëzve që një zot e dinë se çafër hallesh kanë”, u shpreh Berisha.

Sali Berisha i është përgjigjur deputetit të CDU-së Gunther Krichbaum se nëse Berisha merr partinë, PD shpallet ‘non grata’ nga partia simotër PPE. Berisha tha se ai është një qëndrim personal i tij.

“Ai ishte angazhim personal, unë në qëndrimet personale të individëve nuk ndërhyj, por cili është komenti im. Komenti im është keqardhje që një deputet i Budentagut i lejon vetes ose mendon se mund të ndërhyjë në një proces të lirë te një parti simotër, aq më tepër kur ia e bën këtë bazuar në një vendim të faktuar tashmë universalisht se është marrë nga lobimi i Soros dhe Edi Ramës. E ftoj që të ndërmarrë në hetim në arkivat e shtetit dhe vendit ët tij nëse mund të gjeje një fakt një provë të vetëm për ët faktuar atë shpifje dhe trillim të madh. Do ta vlerësoja një gjë të tillë.

Sali Berisha ka komentuar vizitën e presidentit të Këshillit Europian, Charles Michel. Ai tha se kjo tregon një mbështetje për vendin tonë, por sipas tij Shqipëria nuk i ka plotësuar kushtet për hapjen e negociatave dhe këtë e tregoi raporti që miratoi Parlamenti Europian një ditë më parë. Berisha tha se Rama gjen pretekstin se Shqipërisë nuk i hapin negociatat për shkak të vetos bullgare ndaj Maqedonisë së Veriut.

"Sot në Shqipëri është presidenti i Këshillit Euripian,  e mbështes vizitën e tij, por ajo çfarë duhet të shtoj është kjo, falënderoj gjithashtu se një vizitë është mbështetjen por për e amës për të paraqitur murin bullgar i si pengës për hapjen e negociatave për Shqipërinë, është muri i krimit i vjedhjeve, drogës ato që qëndrojnë në të vërtetë si faktorë që mbyllin dyert e Shqipërisë për hapjen e negociatave, jam këtu për ti bërë thirrje be dhe vendeve anëtare, të hapin negociatat me Shqipërinë, siç tregonte me objektivitet rezoluta e BE, Shqipëria nuk i ka plotësuar kushtet por mendoj se hapja e negociatave dhe qëndrimi në kapitujt përkatës për kushtet është mënyra më e drejtë në mënyrë që qytetarët shqiptarë të vetëdijesohet se ku qëndron shkaku i vërtetë për bllokimin, tek mosplotësimi i kushteve”, tha Berisha.