POP 5

Lajmet më të lexuara të 5 minutave të fundit

Politikë

Rithemelimi çon në Kushtetuese ligjin e Komisioneve Hetimore! Çupi: Kërkuam pezullim, po privohemi nga e drejta kushtetuese

Deputetët e Rithemelimit kanë kërkuan në Gjykatën Kushtetuese shfuqizimin e ligjit për komisionet hetimore, i miratuar në dhjetor në Kuvend. Deputetja Dhurata Çupi tha se me këtë ligj mazhoranca synon të privojë opozitën nga e drejta për të kontrolluar qeverinë. Çupi tha se është kërkuar gjithashtu edhe pezullimi i ligjit deri në një vendim përfundimtar

33 deputetë të opozitës hodhën firmat për të dërguar në Gjykatën Kushtetuese ligjin e Komisioneve Hetimore. Duke rikujtuar 5 argumentet kundër këtij ligji, Dhurata Çupi që dorëzoi kërkesën në Kushtetuese tha se me këtë ligj mazhoranca synon të privojë opozitën nga e drejta për të kontrolluar qeverinë, ndërsa kërkoi pezullimin e ligjit deri në vendimin përfundimtar.

‘I bëj thirrje GJK të jetë në lartësinë e integritetin  që jep posti i anëtarit të GJK. Ju kujtoj se nuk janë strukturë e PS-së por është një institucion që duhet të këtë integritetin e institucionit që përfaqësojnë. Ka një praktikë që i njohin të drejtën pakicës parlamentare si instrument kontrollit të pushtetit ekzekutiv.’- tha Çupi.

Gjykata Kushtetuese është shpresa e fundit e deputetëve të Rithemelimit për të rrëzuar ligjin për komisionet hetimore të miratuar në dhjetor në Parlament vetëm me votat e socialistëve.

Përmes Gazment Bardhi ata kishin kërkuar edhe nga Presidenti Bajram Begaj kthimin për shqyrtim të ligjit, por Begaj vulosi dekretin shoqëruar me një arsyetim të gjatë se si pas tij, ligji nuk është anti-kushtetues dhe shqetësimet e opozitës nuk i adreson Kreu I Shtetit por dialogu parlamentar.

Kujtojmë se mes kaosit të Rithemelimit, Kuvendi votoi më 21 dhjetor ligjin për Komisionet Hetimore. Me 75 vota pro u votua ligji i ri i cili përcakton qartë sipas socialistëve objektin e komisioneve hetimore. 

Ligji i ri sipas socialistëve qartëson balancën mes legjislativit dhe organeve të drejtësisë, ndërsa përcakton qartë se kur do të ngrihet një komision hetimor, ndërkohë që sipas mazhorancës deri më tani komisionet hetimore janë përdorur për luftë politike.

Këto ndryshime ligjore opozita i ka kundërshtuar dhe i konsideron si tentative të mazhorancës për t’i hequr të drejtat që opozitës ia jep Kushtetuta.

Ngritja e Komisioneve hetimore është një nga 3 kushtet që Rithemelimi ka për të rikthyer normalitetin në Kuvend.

 

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Rastësi apo zgjedhje? Meta nuk e ndjek fjalimin e Kryemadhit, shkon të votojë dhe kthehet pasi mbaron fjalën

Rastësi apo zgjedhje? Meta nuk e ndjek fjalimin e Kryemadhit, shkon të votojë dhe kthehet pasi mbaron fjalën

27 Prill, 14:05