POP 5

Lajmet më të lexuara të 5 minutave të fundit

Opozita e re krijon dy grupe, Hajdari në krye të demokratëve: Do të marrim pjesë në zgjedhjet e 30 qershorit (VIDEO)

TIRANE-Opozita e re ka krijuar dy grupet parlamentare në Kuvendin e Shqipërisë. Deputetët që pranuan mandatin nga listat e PD-së kanë krijuar grupin 'parlamentar demokrat' që do të drejtohet nga Rudina Hajdari. Ndërkohë që Partia Demokratike ka deklaruar më herët se nuk mund të përdorin emrin e kësaj force, pasi deputetët që kanë pranuar mandatet janë përjashtuar. Ndërsa deputetët nga listat e LSI-së e kanë quajtur grupin e formuar 'Të Pavarur' i cili do të drejtohet nga Nimet Musaj. Deri tani nga listat e PD-së dhe LSI-së kanë pranuar mandatin 23 deputetë, por jo të gjithë kanë pranuar që të bëhen pjesë e grupeve parlamentare në Kuvendin e Shqipërisë.

Pas krijimit të grupeve parlamentare, Rudina Hajdari mbajti fjalën e parë si drejtuese e grupit demokrat duke vendosur edhe objektivat. Hajdari u bëri thirrje partive opozitare që të marrin pjesë në zgjedhje, ndërsa shtoi se opozita e re do të përgatitet për të shpalosur një alternativë të re. Ajo tha se opozita e re nuk do t’i bojkotojë zgjedhjet e qershorit. Përsa i përket reformës zgjedhore, vajza e Azem Hajdarit u shpreh se kërkesa e grupit që ajo përfaqëson është ulja dhe gjetja e një zgjidhje për ndryshimin e sistemit, me qëllim që përfaqësimi të vijë nga populli.


"Dua të shpreh falenderim për kolegët që flas në emër të tyre pas krijimit të grupit parlamentar demokrat. Këta demokratë janë vërtetë që kanë dhënë kontributin e tyre në zonat e tyre dhe i shikoj si të denjë. Jam e nderuar që i përfaqësoj dhe flas në emër të tyre. Por cilat janë synimet tona gjatë jetës parlamentare në këtë legjislaturë? E para, do të përfaqësojmë të gjithë demokratët që nuk kanë qenë dakord me dorëzimin e mandateve. Ata që ne duam ti përfaqësojmë, përpos denoncimeve të aferave dhe skandaleve të kësaj qeverie, do të shpalosim një alternativë të qartë për një vizion të Shqipërisë së nesërme. Këtu kam parasysh, reformën zgjedhore dhe ndryshimin e sistemit. në do të paraqesim projektin tonë përsa i përket kësaj platforme dhe do i japim fund partitokracisë. Jemi të hapur për një sistem më të denjë, do të mbështesim reformën në drejtësi dhe integrimin e Shqipërisë.

Dua të vë theksin se ky grup ka bindjen e fortë, kundër ndryshimeve të vitit 2008. Ne jemi të hapur për një model të deputetëve të zgjedhur nga populli. Kjo është kauza jonë dhe më e rëndësishmja këtë legjislaturë. Ky vendim përfaqëson interesin publik që shkon përtej partive kryesore në vend. Do të kërkoja që demokratët jashtë parlamentit ta shikojnë si ofertë dhe alternativë për t'i përaqësuar denjësisht. Nuk jemi dakord për bojkotin e zgjedhjeve të 30 qershorit. Sado e kompromentuar dhe korruptuar që të jetë kjo shumicë, ne nuk duam të bojkotojmë zgjedhjet. Ne do të përpiqemi që opozitarëve të mos u lëmë një vend bosh dhe ftoj cdo parti opozitare ta rikonsiderojnë vendimin, ne nuk mund të luajmë jashtë rregullave të lojës politike. E konsideroj të rëndësishme, që ne të përgatitemi dhe të marrim cdo lloj mase të mundshme edhe duke pasur kohën në dizfavor për të shpalosur një alternativë tonën
" tha ajo.

Grupi parlamentar demokrat
Rudina Hajdari-kryetare
Myslim Murrizi
Korab Litra
Arben Elezi
Arlind Çaçani
Halit Jakimi
Alban Zeneli

Nuk pranuan nga demokratët që të bëhen pjesë e grupit;
Ligoraq Karamelo
Lefter Maliqi
Majlinda Halilaj
Adriatik Alimadhi

Grupi i deputetëve të pavarur
Nimet Musai-kryetar
Edlira Hyseni
Enver Roshi
Ralf Gjoni
Ediola Braha
Ylli Shehu
Aurora Mara

Nuk pranuan nga LSI-ja që të bëhen pjesë e grupit;
Lefter Koka
Edmond Rrushi
Edlira Hyseni
Elda Hoti
Enada Kociraj
Amra Barova

Numri i deputetëve në Kuvendin e Shqipërisë ka arritur në 102, 79 nga shumica dhe 23 nga opozita e re, ndërsa katër presin vendimin nga KQZ, pasi kanë dorëzuar formularin.

Deputetët e rinj të opozitës sot në parlament

Deputetët në Kuvendin e Shqipërisë
79 nga shumica parlamentare

3 nuk pranuan të digjnin mandatin nga opozita
Lefter Koka
Myslim Murrizi
Rudina Hajdari

Pranuan mandatin
Lefter Maliqi
Alban Zeneli
Ligoraq Karamelo
Majlinda Halilaj
Arben Elezi
Adriatik Alimadhi
Korab Lita
Halit Jakimi
Arlind Çarçani
Ylli Shehu
Aurora Mara
Enver Roshi
Edmond Rrushi
Ediola Braha
Edlira Hyseni
Elda Hoti
Ralf Gjoni
Nimet Musaj
Enada Kociraj
Amra Borova

Presin që të marrin mandatin nga KQZ
Eugen Bojaxhi
Andi Përmeti
Erion Piciri
Fatjona Dhimitri


Lajmi kryesor:

Interpelanca në Kuvend për grabitjen/ Lleshaj akuzon 'TIA'-n: Njoftoi 30' me vonesë, do të marrim masa (Debatet)


d.ba./r.k./Shqiptarja.com
Komento

Komente

  • Mami: 18/04/2019 17:32

    Mami ja hodhi vettingut se e beni gocen deputete

    Përgjigju
    • Shqiptar: 18/04/2019 17:51

      Shiko mamin tend.

  • Populli: 18/04/2019 15:11

    Suksese ne misionin e saj Opozites se Re,duken shume mendje hapur dhe me fryme bashkepunuese pa sharje ofendime e pa ulerima e cizme te hequra nga kembet e veprime te denueshme e ofenduese per nje popull.

    Përgjigju
  • Qytetar: 18/04/2019 13:33

    Si gjithmon bravo Rudina je shembulli me i mire se si duhet te jene parlamentaret. Z Ruci lere te flas me gjate do krijoj eksperience

    Përgjigju
    • xreport: 18/04/2019 15:36

      me fol me gjate fillon me gjonat familjare... nenen e kam gjystare edhe eshte e korruptuar... me mire pak

  • Lleshi: 18/04/2019 13:14

    Mendoj qe rinia duhet te vihet ne krye te demokracise bravo Rudina cdo demokrat i vertete duhet tie bashkohet se ata vine vetem per tee pasuruar familjet EE tyre duhet hequr mendimi vime ne pushtet per tie pasuruar

    Përgjigju
  • Geke: 18/04/2019 13:01

    Aq mire ka bere kjo vajza Azemit sa ska... e mendoja qe nuk ishte e zonja hic por kjo po ben nje pune te mire, me mire kjo sesa Lulerat e Salirat me shoke.... Uroj qe ta ndjekin edhe te tjeret dhe ti bashkohen edhe ish deputetet e hequr nga basha, dhe pse jo ta zhdukin bashen e berishen nga skena politike

    Përgjigju
  • USA: 18/04/2019 12:51

    Kjo goca do behet partizane.Vetem se eshte e bija e Azemit i doli bursa per shkolle ketu ne USA qe te arsimohej dhe direkt u be deputete.Cfare shansi keni ju.Mallku qofte PPSH dhe ai regjim por femijet e ish bllokmeneve u arsimuan ne Shqiperi.Zoti e ruajte dhe bekofte Shqiperine nga ju o te pangopur.

    Përgjigju
  • Era: 18/04/2019 11:13

    Qa te ben femija s ta ben as perendia turpi zotit

    Përgjigju
    • Emigrant: 18/04/2019 20:57

      Eh moj era !si emrin ashtu dhe mendjen.po te tjeret i polli mushka qe nuk tha kush se qa te ban fmia! ?Ti duhet te jeshe nej sekretare partie .Rudina duhet qe te krijoje nje parti te re .te ndahet dhe nga emri i pd se vjeter se vetem emrin ka .larg ketyre politikaneve te djathte e te majte se diten bejne sikur zihen dhe naten ndajne leket . Rudina duhet qe te jete si shpata qe pret nga te dy anet.