Përfaqësueset e tri partive opozitare Albulena Haxhiu (VV), Teuta Haxhiu (AAK) dhe Valdete Bajrami (Nisma), para pak çastesh kanë dërguar në Gjykatën Kushtetuese ankesën rreth votimit të fundit në parlament për amendamentin 24 që i hapë rrugë krijimit të Gjykatës Speciale.

Opozita thotë se ai proces ka shkelur sovranitetin dhe kushtetutën e vendit prandaj edhe kërkojnë interpretimin e Kushtetueses, raporton "Zëri".

“Ne po e dërgojmë në Kushtetuese këtë vendim të Kuvendit për shkak se mendojmë që ka pasur shkelje procedurale dhe përmbajtjesore. Me këtë proces është shkelur sovraniteti dhe kushtetua e vendit”, tha deputetja e VV-së, Albulena Haxhiu.


Redaksia Online
(f.s/shqiptarja.com)