Opozita largohet nga mbledhja, Rushaj: Zgjatja e vettingut të diskutohet me ndryshimet kushtuese të propozuar nga ne, PS s'do! Kjo është e palogjikshme

Opozita largohet nga mbledhja e Këshillit të Legjislacionit në Kuvendin ku po diskutohet zgjatja e afateve të vettingut. Kreu i grupit parlamentar të PD, Alfred Rushaj tha jashtë Kuvendit se mazhoranca nuk do që të trajtoje së bashku ndryshimet kushtetuese të zgjatjes së afateve të vettingut dhe ndryshimet që propozon PD, por do t’i trajtojë ato veçmas.

“Meqë procedura është e tillë që kërkon caktimin e ekspertëve, të relatorëve nga të dyja palët, i propozuam të bashkohen të dyja nismat pasnesër, jo pas dy muajve, por pasnesër, në mënyrë që të diskutohen siç duhet, të harmonizuara, duke pasur efektet që mund të kenë tek njëra-tjetra dispozitat e propozuara për ndryshim, si edhe duke parasysh një kalendar të punimeve të Kuvendit, të dyja nismat ishin të harmonizuara bashkë. Se kur i mbaron rroga 14 rrogave që merren me vettingun nuk është prioritet i shqiptarëve. Ne themi jemi gati t’i diskutojmë pasnesër sa kohë diskutohen në tërësi ndryshimet kushtetuese, mazhoranca refuzon. Po propozohen ndryshimi i disa neneve i një ligji dhe ne kërkuam që pasnesër të hapet diskutimi dhe të vijohet normalisht me kalendarin, por PS do t’i diskutojë nismat e ndara, e palogjikshme”, tha Rushaj.

Lajmi kryesor:

Afati i vettingut, PD: T'i diskutojmë me propozimet tona për ndryshimet kushtetuese! PS: S'ka kohë për të pritur! Demokratët ikin nga mbledhja, rri LSI

/xy/Shqiptarja.com

TAG:
• PS
• PD
• Kuvendi i Shqiperise
• ndryshimet kushtetuese
• Alfred Rushaj