POP 5

Lajmet më të lexuara të 5 minutave të fundit

Politikë

 ‘Tahiri’, PS: Të dëshmojnë Berisha, Basha, Balili, Arbër Çekaj/ Lista

Deputetja Ermonela Felaj ka përmendur disa nga çështjet më të bujshme në vend, për të cilat PS do t’i drejtohet Shërbimit Informativ Shtetëror për të kërkuar informacion lidhur me trafikun e drogës, si dhe do thirren në komision për të dëshmuar.
 ‘Tahiri’, PS: Të dëshmojnë Berisha, Basha, Balili, Arbër Çekaj/ Lista

Ermonela Felaj

Teksa deputetët e opozitës ndodhen në Gjykatën e Tiranës, duke ndjekur seancën maratonë për 23 protestuesit e arrestuar në Rrugën e Kombit, mazhoranca ka vendosur të mbledhë Komisionin hetimor për çështjen e ish-ministrit Tahiri.

Ky komision është thirrur nga opozita dhe drejtohet nga Edi Paloka, i cili sot nuk është i pranishëm, së bashku me deputetët e tjerë. Komisioni i sotëm është thirrur nga mazhoranca, vetëm pak minuta para se të niste, ndërsa të pranishëm janë vetëm deputetët e majtë.  
Deputetja Ermonela Felaj ka përmendur disa nga çështjet më të bujshme në vend, për të cilat PS do t’i drejtohet Shërbimit Informativ Shtetëror për të kërkuar informacion lidhur me trafikun e drogës.

Felaj tha se do të kërkohet informacion nga SHISH për ish-kryeministrin Sali Berisha, Klement Balilin, Arbër Çekajn, pronarin e kompanisë që solli 613 kg kokainë nga Kolumbia.

"Do mbledhim të dhëna që lidhen me gjenden e funksionimit të radarëve më 2013. Do verifikohet gjitha puna e Prokurorisë, pasi Kuvendi i vuri në dispozicion raportin. Do sqarojmë rrethanat si është arrestuar Dritan Zagani, në cilën fazë është procedimi në ngarkim të tij.

Arbër Çekaj, do kërkojmë informacion për veprimtarinë e tij. Rasti Balili, kush janë pronat e zotëruara prej tij, kontratat e qerasë, koncensionare, sa grante janë të fituara nga Balilajt nga ministria e Bujqësisë.

Do ndjekim dhe rastin e ish-ministrit Tahiri, cilat kanë qenë qëndrimet e Prokurorisë, si i ka ndjekur këto dy raste. Do kërkojmë nga SHISH për trafikun e drogës, informacionet që i janë referuar në rrugë të ndryshme Presidentit, ministrave dhe si është konkluduar me këto informacione.

Do kërkojmë të dhëna për rastet e Lazaratit dhe Dukagjinit, nëse janë identifikuar autorët që kanë qëlluar ndaj policisë. Kërkesat për ekstradim të shtetasve shqiptarë nga 2005-2018, urdhër-arreste nga Interpol për shqiptarët e përfshirë në aktivitet kriminal dhe sa janë ekzekutuar këto urdhra.  

Një e dhënë tjetër e rëndësishme është ajo që lidhet me deklaratën e Berishës për Lazaratin, si dhe dëshmia e Izet Haxhisë për djalin e Berishës. Trafikimi i heroinës dhe kokainës, sasia që është kapur dhe grupet që janë goditur. Do të na duhet dhe një dëshmi nga ish-ministri i Brendshëm, Lulzim Basha"

Ermonela Felaj, anëtare e PS në komisionin 'Tahiri'

 

Rendit zhvillimet sipas orarit:
Ora 14:26
Mbledhja e komisionit 'Tahiri' nga PS, Paloka: Skandal i Ramës, ja qëllimi

Kryetari i Komisionit hetimor për çështjen ‘Tahiri’, Edi Paloka i PD, ka reaguar menjëherë pas mbledhjes së komisionit nga mazhoranca, pa praninë  e opozitës, e cila ishte në gjykatë duke pritur masën e sigurisë për protestuesit e Rrugës së Kombit.

Paloka e cilëson thirrjen e komisionit nga mazhoranca një tjetër skandal të kryeministrit Edi Rama.

"Një tjetër skandal i Ramës me zbatimin e ligjit. Urdhëron deputetët e tij të Komisionit Hetimor Tahiri, të uzurpojnë drejtimin e komisionit duke shkelur haptazi ligjin për Komisionet Hetimore dhe Rregulloren e miratuar vetëm një javë më parë nga ky Komision.

Neni 12 i ligjit ”Për organizimin dhe funksionimin e komisioneve hetimore të Kuvendit”, thotë: Pika1. Mbledhjet thirren dhe drejtohen nga kryetari dhe/ ose me autorizimin e tij nga zv/Kryetari.

E njëjta është përcaktuar edhe në nenin 7 të rregullores. Pika1: Mbledhjet thirren dhe drejtohen nga kryetari dhe/ ose me autorizimin e tij në çdo rast nga zv/kryetari i Komisionit.

Data, ora dhe vendi i mbledhjes së Komisionit, caktohen nga kryetari, pasi këshillohet me zv/Kryetarin.

Si kryetar i Komisionit Hetimor “Tahiri”, informoj gjithë opinionin, se sot jo vetëm nuk e kam thirrur komisionin hetimor siç përcaktohet nga ligji, por pas interesimit të administratës të Kuvendit dhe të komisionit i kam njoftuar se sot nuk do të ketë mbledhje të Komisionit Hetimor.

Pra, mbledhja e këtij komisioni nga deputetët e Ramës, pa autorizimin e kryetarit, është një shkelje e hapur e ligjit nr. 8891, datë 2.05.2002, për organizimin dhe funksionimin e komisioneve hetimore të Kuvendit.

Rama pasi privatizoi shtetin, prokurorinë dhe gjykatat, tani po kërkoj të privatizojë edhe parlamentin shqoptar duke u dhënë urdhër deputeteve të tij, që duke shkelur ligjin të uzurpojnë drejtimin e një komisioni hetimor që është kërkuar nga opozita, për të vërtetuar lidhjet kriminale të kësaj qeverie dhe të vetë kryeministrit rama me kultivimin dhe trafikun e drogës.

Ky akt skandaloz bëhet me qëllimin e vetëm që të tërheqë vëmendjen e opinionit nga një tjetër dhunim i rëndë.

Sot dhjetëra qytetarë shqiptarë të dhunuar nga policia e Ramës dhe prokuroria e privatizuar prej tij, po kërkohet të dënohen vetëm sepse kanë mbrojtur një të drejtë elementare të tyre. Pikërisht për të tërhequr vëmendjen Rama ka urdhëruar shkeljen e ligjit në Komisionin Hetimor"

Edi Paloka, deputeti i PD

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Tiranë/ 57-vjeçari i dehur bie në gropën e ashensorit, ndërron jetë në vendngjarje

Tiranë/ 57-vjeçari i dehur bie në gropën e ashensorit, ndërron jetë në vendngjarje

2 Maj, 14:52