VIP & Spektakël

Oriola Marashi flet për betejën me ankthin dhe pasiguritë: U bë tepër e rëndë! Duaje veten për atë që je

Modelja e njohur shqiptare, Oriola Marashi, ka ndarë me ndjekësit e saj një histori të ndjeshme nga jeta personale, duke folur për periudhën e vështirë kur vuante nga ankthi dhe presioni i perfeksionit të imponuar nga rrjetet sociale.

Oriola Marashi

Redaksia 22 Dhjetor 2024, 17:04 | Përditesimi: 22 Dhjetor 2024, 17:08

Në një përgjigje për fansat, ajo tregoi se gjatë kohës kur karriera e saj po përparonte me ritme të shpejta, filloi të ndjente pasiguri dhe presion të madh për t’u dukur perfekte.

“Ishte emocionuese në fillim, por më pas u bë tepër e rëndë,” tha modelja, duke shtuar se vëmendja publike dhe fotografimet e fshehta në qendrat tregtare apo restorante i krijuan një ndjenjë të vazhdueshme shqetësimi.

LEXO EDHE:
Nga ankthi te çrregullimi i gjumit, ja arsyet përse zgjoheni të lodhur në mëngjes

Ajo ndau se shpesh krahasonte veten mes asaj që dukej në Instagram dhe realitetit, gjë që ndikoi në vetëbesimin e saj.

“Fillova të pyesja nëse isha mjaftueshëm e bukur apo e vlefshme,” rrëfeu Oriola, duke theksuar se ky presion i imponuar nga standardet e rrjeteve sociale është i rrezikshëm dhe shpesh i larguar nga realiteti.

Ajo shprehu rëndësinë e autenticitetit dhe dashurisë për veten, duke dhënë një mesazh për ndjekësit:

“Duaje veten për atë që je, jo për atë që të tjerët presin të jesh. Jeta është më e bukur kur përqafojmë autenticitetin tonë.”

K.M/Shqiptarja.com

TAG:

Oriola Marashi
ankthi

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com