POP 5

Lajmet më të lexuara të 5 minutave të fundit

Shëndeti

Orizi që prodhon albuminë

Ushqimi, falë ndërhyrjes gjenetike , mund të transformohet në një “fabrikë” për një proteinë të cmuar të gjakut. Një studim kinez i universitetit të Wuhan ka arritur të përfitojë gjak njeriu, ose të paktën një prej përbërësve kryesor të tij (albuminën), duke modifikuar gjenetikishtë bimët e orizit aziatik (Oryza sativa), falë implantimit të një gjeni njerëzorë në gjenet e orizit.
Orizi që prodhon albuminë
Një studim kinez i universitetit të Wuhan ka arritur të përfitojë gjak njeriu, ose të paktën një prej përbërësve kryesor të tij (albuminën), duke modifikuar gjenetikishtë bimët e orizit aziatik (Oryza sativa), falë implantimit të një gjeni njerëzorë në gjenet e orizit.

Albumina
Albumina është një proteinë e plazmës së gjakut (përbërësja e lëngshme e gjakut, në të cilën lundrojnë të gjitha qelizat e gjakut) prodhohet nga mëlcia dhe ka shumë funksione të rëndësishme, midis të cilave rregullimin e shpërndarjes së rregullt të lëngjeve trupore dhe transportin e acideve yndyrore, hormoneve dhe ilaceve brenda organizmit tonë. Kjo proteinë, mungesa e prodhimit të së cilës i detyrohet një serie sëmundjesh të mëlcisë, përdoret në shkallë të gjerë në trajtimit e Cirrozës, djegieve dhe traumave hemorragjike. Në natyrë gjendet te qumështi, te veza dhe te manaferra.

Më mirë orizi se dhuruesit njerëzorë
Aktualisht pjesa më e madhe e albuminës nxirret nga dhuruesit. Kjo gjë implikon dy problematika: E para i përket faktit se materiali në dispozicion nuk është i mjaftueshëm për të mbuluar nevojën reale; e dyta paraqitet nga rreziqet dhe kostot e nevojshme për të kryer analizën imunologjike, domethënë kërkimin për viruse të tjerë si Hiv-i dhe epatiti në gjakun e dhuruesve. Sipas studimit kinez, i publikuar në revistëen shkencore amerikane “Proceedings of the National Academy of Sciences”, falë orizit transgjenik mund të përftohen tre gram albumin për cdo kile oriz. Proteina e prodhuar falë teknikës së studiuesve të universitetit të Wuhan rezultoi kimikisht dhe fizikisht identike me atë që qarkullon në trupin njerëzorë.

Përdorime të tjera
Ekipi i studiuesve kinez, i koordinuar nga Daichang Yang, për të futur gjenin Gt13a në ADN-në e orizit përdori një bakter. Duke përdorur të njëjtën procedurë shkencëtarët dëshirojnë të prodhojnë edhe proteina të tjera të gjakut si hemoglobina, përgjegjëse për transportin e oksigjenit, apo edhe insulinën

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Luiz Ejlli gdhend në trup portretin e Luna Mari

Luiz Ejlli gdhend në trup portretin e Luna Mari

26 Dhjetor, 12:57