'Më tha se kishte mamanë në spital prej vështirësive në frymëmarrje', fqinja tregon kontaktin e fundit me Ornelën: I erdhën edhe kolegët në shtëpi

Dhorkë Lulani, fqinja e nënë e bijë që u gjetën të vdekura në banesën e tyre në Korçë tregon se ka shkuar gjatë këtyre ditëve në banesën e tyre, por dera nuk është hapur.

“Me Ornelën kam komunikuar të shtunë, ajo më tha që kishte shtruar nënën e saj në spital sepse kishte vështirësi në frymëmarrje. Ornela më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur.

Gjatë këtyre ditëve kur kam dalë nga shtëpia kam trokitur tek dera e Ornelës por nuk më është përgjigjur njeri edhe pse kur kam parë derën nga afër më është dukur sikur brenda kishte çelës.

LEXO EDHE:
FOTO/ Skënderbeu e pret Laçin me vezët e Pashkëve

U shqetësova sepse me Ornelën nuk po kontaktoja më. Ornela ishte edukatore në Vithkuq, dje dhe sot erdhën kolegët e punës për ta kërkuar, trokitën edhe ata por dera nuk u hap.

Unë mora në tel edhe mbesën e tyre por as ajo nuk dinte gjë. Sot erdhi djali nga Greqia, tentoi të hapte derën por dera ishte e mbyllur nga brenda. Më pas me ndihmën e zjarrfikëses dhe policisë dera u hap por i gjetën të pajeta.”

Lajmi kryesor:

Tragjike në Korçë/ Nënë e bijë 5 ditë të vdekura në banesë! Vajza pësoi infarkt, më pas ndërroi jetë e ëma e paralizuar! I gjeti djali që erdhi nga Greqia (VIDEO)

B.K/Shqiptarja.com

TAG:
• eleni vangjeli
• ornela vangjeli
• Korce