E moshuara Eleni Vangjeli dhe vajza e saj Ornela janë gjetur të pajeta në banesën e tyre në lagjen 17 të qytetit të Korçës ku dyshohet se mund të kenë vdekur para 5 ditësh.
75-vjeçarja ishte e paralizuar dhe për të kujdesej vajza e saj 54 vjeçe, me profesion mësuese. Burime për Report TV bëjnë me dije se dyshohet që 54-vjeçarja të ketë ndërruar jetë e para si pasojë e një arresti kardiak, e më pas nëna e saj paralizuar, për shkak se ishte e paralizuar dhe nuk mund të kujdesej për veten.
Të dyja raportohet se kanë humbur jetën nga shkaqet natyrale, pasi nuk janë konstatuar shenja dhune.
Dyshimet e para janë se ato mund të kenë ndërruar jetën prej së dielës, ditë edhe kur i kanë humbur kontaktet me familjarët.
I biri emigrant në Greqi tentonte t’i telefononte, por prej ditësh askush nuk i përgjigjej, duke bërë që të merrte rrugën për në atdhe ku dhe u përball me dramën familjare.
Dera e familjes Vangjeli e mbyllur nga brenda është hapur me forcë nga shërbimi zjarrfikës që bashkë me djalin e familjes i cili gjetën të pajeta nënë dhe motrën.
Report tv sjell pamje nga vendi i ngjarjes ku grupi hetimor po punon për mbledhjen e provave.
Vajza Ornela dhe e ëma Eleni
Dhorkë Lulani, fqinja e nënë e bijë që u gjetën të vdekura në banesën e tyre në Korçë tregon se ka shkuar gjatë këtyre ditëve në banesën e tyre, por dera nuk është hapur.
“Me Ornelën kam komunikuar të shtunë, ajo më tha që kishte shtruar nënën e saj në spital sepse kishte vështirësi në frymëmarrje. Ornela më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur.
Gjatë këtyre ditëve kur kam dalë nga shtëpia kam trokitur tek dera e Ornelës por nuk më është përgjigjur njeri edhe pse kur kam parë derën nga afër më është dukur sikur brenda kishte çelës.
U shqetësova sepse me Ornelën nuk po kontaktoja më. Ornela ishte edukatore në Vithkuq, dje dhe sot erdhën kolegët e punës për ta kërkuar, trokitën edhe ata por dera nuk u hap.
Unë mora në tel edhe mbesën e tyre por as ajo nuk dinte gjë. Sot erdhi djali nga Greqia, tentoi të hapte derën por dera ishte e mbyllur nga brenda. Më pas me ndihmën e zjarrfikëses dhe policisë dera u hap por i gjetën të pajeta.”
Ornela Vangjeli 54 vjeçarja që u gjet e pajetë bashkë me nënën e saj në banesën e tyre në Korçë ishte mësuese në fshatin Vithkuq. Ajo kujdesej për të ëmën e paralizuar deri ditën kur pësoi infarkt.
Vajza Ornela dhe e ëma Eleni
Eleni dhe Ornela Vangjeli, nënë e bijë, nuk u përgjigjeshin në telefon familjarëve të tyre prej pesë ditësh, ndërsa ditën e sotme janë gjetur pa shenja jete në banesën e tyre në Korçë. Djali i cili jetonte dhe punonte në Greqi duke mos u lidhur në telefon me to, u nis për Shqipëri, për t'u përballur me fatkeqësinë që kishte ndodhur.
Detaje të reja janë mësuar nga ngjarja e rëndë e ndodhur në Korçë. Report Tv mëson përmes burimeve se nënë e bijë jetonin bashkë në banesën që u gjetën pa shenja jete, kurse e moshuara ishte e paralizuar dhe nuk mund të lëvizte dhe kujdesej për veten. Vajza e saj e vetmja që kujdesej për të dyshohet se mund të ketë pësuar arrest kardiak dhe gjatë kësaj kohe e moshuara nuk ka pasur mundësi reagimi derisa ka ndërruar jetë. Nga grupi hetimor bëhet e ditur se banesa ishte plotësisht e mbyllur nga brenda dhe nënë e bijë kanë qëndruar të vdekura për pesë ditë në banesë.
Komente
Lajme të tjera
-
Korça feston Krishtlindjet, mbahet mesha në Katedralen ‘Ngjallja e Krishtit’
25 Dhjetor, 10:53 -
Fluks lëvizjesh në Kapshticë! Punohet me 6 sportele për të shmangur radhët dhe pritjet
24 Dhjetor, 14:29 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Moti i keq në Korçë/ Policia: Gatishmëri në të gjitha akset, janë të kalueshme pavarësisht borës! Ja këshillat për shoferët (VIDEO)
23 Dhjetor, 15:34 -
Pogradec/ Shkrumbohet makina e ish-oficerit të krimeve, digjen pjesërisht dhe dy mjete afër tij! Dëshmon se nuk ka konflikte, ja për çfarë dyshohet
23 Dhjetor, 13:13 -
Mesazhi i Krishtlindjes nga Mitropoliti i Korçës, Imzot Joani: Kremtimi i lindjes së Krishtit gjallëron shpresën e triumfit të dritës mbi errësirën (VIDEO)
23 Dhjetor, 11:26 -
Korçë/ Hyri me forcë në bankën e nivelit të dytë mbrëmjen e së shtunës, arrestohet 38-vjeçari: Nuk mbaj mend gjë, isha i dehur (EMRI)
23 Dhjetor, 09:40 -
Korçë/ Tentoi të vjedhë bankën, autori ende në kërkim! Policia: Mund të ketë qenë i dehur
22 Dhjetor, 12:34
-
Korçë, hyn me forcë brenda një banke të nivelit të dytë, sa vjen policia ikën me shpejtësi
21 Dhjetor, 23:41
-
Emigrantët kthehen në Shqipëri për festa, fluks në Kapshticë
21 Dhjetor, 10:30 -
Korçë/ Shpërndanin kokainë në doza, arrestohen 4 persona, mes tyre një turk! Sekuestrohet 1 pistoletë, 57 gr kokainë dhe rreth 9 mijë euro
21 Dhjetor, 10:13 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49
Pse nuk thoni te verteren vdiqen nga vaksina sic po vdesin te tere me atak kariak?
Përgjigjusa gjynah,,,,qofshin te xhenetit,,ngushellime familjes,,,po farefis nuk kishin keto ne korce qe ti teleffononin...zoti ju dhente force...kemi humbur solidaritetin me njerezit..sic ka qene me pare...
PërgjigjuSa fatkeqe paskeni qene moj te shkreta...?! :( Ajo e shkreta aq e re dhe e ema qe paska vuajtur akoma me shume. DHe nga pamundesia per te levizur ka dhene shpirt.. Me tragjedi s’ka si behet..!!!
Përgjigju