Presidentja e Kosovës, Vjosa Osmani gjatë një mbledhje me Këshillin Atlantik në Uashington të SHBA-ve është shprehur se procesi i dialogut me Serbinë nuk duhet të përdoret për normalizimin e sundimit autokrat të Aleksandër Vuçiçit.
Në mbledhjen me institutin amerikan që merret me çëshjtet ndërkombëtare, Osmani ka thënë se pavarësisht se janë nënshkruar mbi 40 marrëveshje në Bruksel deri më tani, Serbia ka bërë shumë shkelje duke mos i respektuar aspak.
“Le të jemi të sinqertë. Po flasim për një autokrat. Po përballemi me një shtet që nuk ka kërkuar kurrë falje për gjenocidin e kryer ndaj njerëzve të mi, por Kosova, në të njëjtën kohë, e ka zgjatur dorën e bashkëpunimit, për të qenë konstruktive dhe e angazhuar. Janë nënshkruar mbi 40 marrëveshje në Bruksel, dhe lista e shkeljeve nga ana e Serbisë është shumë, shumë e gjatë”, ka thënë Osmani, në një bisedë me Këshillin Atlantik në Uashington.
Sa i takon rëndësisë së formimit të Asociacionit të Komunave me shumicë serbe në veri të Kosovës, Osmani e konsideroi si rrugë tepër të rrezikshme mbi të ardhmen e dialogut. Ajo shtoi se Kosova dhe komuniteti ndërkombëtar nuk duhet të bie në kurthin e Vuçiçit që sipas saj nënkupton zvarritje të procesit dhe shmangjen e njohjes së ndërsjelltë. Më tutje, Osmani tha se Serbisë nu ki intereson minoriteti serb, të cilin po e përdor si instrument për të sfiduar integritetin territorial të Kosovës.
“Teksa ka tentime për ta bërë atë temë më të rëndësishme sesa tjerat, unë mendoj që kjo është një rrugë shumë e rrezikshme për të ardhmen e dialogut. Ne nuk duhet të biem në kurthin e Vuçiqit, që nënkupton vetëm vonesa dhe zvarritje të procesit. Serbisë nuk i intereson minoriteti serb, por i intereson vetëm që ta ketë një instrument, përmes së cilit do të mund ta sfidojë sovranitetin dhe integritetin territorial të Kosovës".
Ajo e ka komentuar edhe draft-statutin për Asociacion të prezantuar më 2 maj, nga një ekip menaxhues, në kuadër të dialogut të nivelit të lartë mes dy vendeve.
“Pika fillestare duhet të jetë Kushtetuta e Kosovës. Jo propozimi i Serbisë që synon të krijojë një tjetër republikë të [udhëheqësit të entitetit serb të Bosnjës, Millorad] Dodikut, apo edhe më keq, në rajon... ndërsa draft-vizioni i Qeverisë i ka prezantuar parametrat, mbi të cilët do të mund të formohet statuti, dhe i cili është në përputhje me kushtetutën dhe vendimet e kushtetutës.
Më 2 maj, u zhvillua takimi i radhës për dialogun Kosovë-Serbi mes Kurtit dhe Vuçiçit. Në këtë takim u dakordësua Deklarata për të 1600 të Zhdukur gjatë luftës. Ndërsa nuk u arrit një dakordësi mbi formimin e Asociacionit të komunave me shumicë serbe në veri të Kosovës. Të pranishëm në takim ishin edhe përfaqësuesi i lartë i BE-së për politikën e jashtme, Josep Borrell dhe Miroslav Lajçak, i dërguari special i BE-së për dialogun Kosovë Serbi.
Komente
Lajme të tjera
-
Veto Surroi: Dhjetori i demokracisë dhe një shenjë normaliteti
18 Dhjetor, 09:52
-
Spiunimi i BIA-s, Serbia në 'burgun digjital'
18 Dhjetor, 08:22 -
Sa bunkerë ka Serbia për raste lufte?
17 Dhjetor, 17:34 -
Skenarët e mundshëm nëse SHBA-ja i vë sanksione industrisë serbe të naftës
17 Dhjetor, 17:28 -
BE i kërkon Kosovës kthimin e serbëve në institucione, masat hiqen kur të ndërmerren hapa për uljen e tensioneve në Veri
17 Dhjetor, 17:07 -
Hagë/ Haxhi Shala e Sabit Januzi pranojnë akuzën e frikësimit të një dëshmitari
17 Dhjetor, 16:35 -
Prokuroria Speciale synon të thërrasë 3 dëshmitarë kundër Hashim Thaçit dhe 4 të tjerëve
17 Dhjetor, 16:34 -
Kosova dhe Serbia pajtohen për zbatim të plotë të deklaratës për personat e zhdukur
17 Dhjetor, 16:30 -
Kryeministri Kurti: Dokumentimi i krimeve të luftës, detyrim moral dhe historik për të gjitha gjeneratat
17 Dhjetor, 15:30 -
Ali Ahmeti takohet me opozitën në Kosovë: Nuk takohem me Kurtin, sepse s’ka vullnet nga ana e tij!
17 Dhjetor, 14:54 -
Kosova drejt zgjedhjeve të 9 shkurtit/ Deputeti i PDK: I gjithë kabineti i Kurtit në hetim nga Prokuroria Speciale! Diplomati: Vetëvendosja nuk ka kualitet në lista
16 Dhjetor, 19:17 -
Shefi i NATO-s për sulmin në Ibër-Lepenc: Përgjegjësit të sillen para drejtësisë
16 Dhjetor, 18:25
Ti moj e mjer ne kurthin e vuqiqit je qe kur je lindur, tash vetem sa i je ulur ne mullar dhe sdo mund te largohesh, VV-ceja vet e ka kerkuar vet e ka gjetur, nga bashkimi kombetar e rikthyet brastvo jedinstvo-n qe ti e ke dashur sa tata yt.
PërgjigjuPër fat të keq ju keni rënë tashmë në kurthin e Vuçiçit. Ju, dmth ti dhe Albini mund të jeni të aftë për ndonjë gjë përbrenda Kosovës. Por për politikë të jashtme jeni tamam mishërimi i populizmit dhe keni treguar papjekuri totale. Aq sa aleatin historik dhe më të afërt dhe më të sinqertë të shqiptarëve, SHBA-të i keni larguar nga vetja dhe afruar me Vuçiçin. Uroj të jem gabim se vërtetë na mori lumi nëse SHBA e sheh Serbinë si shtetin udhëheqës të Ballkanit.
Përgjigju